Нав Исус 22:34 - Коми Библия 2023

³⁴ Рувим да Гад чужанкотыръяс [да Манассейлӧн джын чужанкотырыс] висьпуктанінсӧ нимтісны Эдӧн, ӧд шуисны, мый тайӧ висьпуктаніныс лои миян костын пасӧн сы йылысь, мый Господь эм Ен.

Нав Исус 22:34 Iomraidhean Croise

Олӧм 31:47

Лаван нимтіс мыльксӧ Егар-Сагадутаӧн, а Яков нимтіс Галаадӧн.

Олӧм 31:48

Лаван шуис: «Талун тайӧ мылькйыс [да казьтылан изйыс, мый ме сувтӧді,] морт пыдди кылӧ сёрнитчӧмнымӧс». Сійӧн тайӧ местасӧ нимтӧны Галаад,

Ӧксыяслӧн 3 небӧг 18:39

Кор йӧзыс аддзисны тайӧс, кымынь уськӧдчисны муас да шуисны: «Господь эм Ен! Господь эм Ен!»

Исай 19:19

Сійӧ лунӧ Египет шӧрын кутас сулавны Господьлы висьпуктанін, а му вежтасас – Господьлӧн вежа из.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Нав Исус 22:27

Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен.

Нав Исус 24:27

Исус шуис войтырыслы: «[Локтан кадӧ] тайӧ изйыс казьтылас, мый ті мыжаӧсь, ті кӧ соссянныд [Господьысь,] асланыд Енмысь. Ӧд тайӧ изйыс кывліс Господьлысь став кывсӧ, мый Сійӧ висьталіс миянлы [талун]».