Нав Исус 22:29 - Коми Библия 2023

²⁹ Мед эськӧ оз ло сідзи, мый ми кыпӧдчам Господьлы паныд, кежам Сыысь да асланым Господь Енлӧн вежа чом водзын сулалысь висьпуктанінысь ӧтдор сувтӧдам мӧд висьпуктанін, кӧні кутам вайны сотан висьяс, нянь висьяс да мукӧд висьяс».

Нав Исус 22:29 Iomraidhean Croise

Олӧм 44:17

Но Ӧсип шуис: «Тадзи оз ло! Код ордысь сюри менам дозмукӧй, сӧмын сійӧ лоас менам кесйӧгӧн. А ті лӧнь сьӧлӧмӧн мунӧй батьныд дінӧ».

Олӧм 44:7

Найӧ воча шуисны: «Ыджыдӧй, мыйла тэ тадзи шуан? Ми, тэнад кесйӧгъяс, эгӧ вермӧй татшӧмторсӧ вӧчны.

Ӧксыяслӧн 3 небӧг 21:3

Навот шуис Ахавлы: «Мед Господь видзас менӧ аслам батьяслысь мусӧ тэныд сетӧмысь!»

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

2 Каднебӧг 32:12

Эз ӧмӧй Езекей бырӧд тіян Енлысь вись ваян мылькъяссӧ да висьпуктанінъяссӧ? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын да сы вылын сотны висьяс?

Римӧ 3:6

Дерт, тайӧ абу тадз. Енмыс кӧ оз ло веськыд, вермас-ӧ Сійӧ мыждыны муюгыдсӧ?

Римӧ 6:2

Ми кулім мыжыслы, позьӧ ӧмӧй водзӧ овны мыжас?

Римӧ 9:14

Мый шуам? Енмыс абу веськыд? Сійӧ веськыд.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Нав Исус 22:23

Господь мед Ачыс водзӧс перъяс миянлысь, ми кӧ кежим Сыысь да вӧчим висьпуктанінсӧ сотан вись, нянь вись да бурасян вись вайӧм могысь.

Нав Исус 22:26

Дзик та вӧсна ми шуим лэптыны висьпуктанін, а эгӧ сы могысь, медым вайны сэні сотан висьяс да мукӧд висьяс.

Нав Исус 22:28

Ми шуим, мый тайӧ кывъяссӧ кӧ локтана кадӧ шуасны миянлы да миянсянь чужысьяслы, сэки ми вочавидзам: ”Видзӧдӧй, со Господьлӧн висьпуктанін сямаӧс вӧчӧма. Сійӧс лэптісны миян батьяс, эз сотан вись да мукӧд вись вайӧм могысь, но медым тіян да миян костын [да миянсянь чужысьяс костын] сійӧ вӧлі пасӧн”.

Нав Исус 22:30

Пинес поп, сыкӧд локтысь войтырлӧн юралысьяс да израильса рӧдкутысьяс кор кылісны Рувимсянь, Гадсянь да Манассейсянь чужысьяслысь кывъяссӧ, шуисны, бур пӧ.

Нав Исус 24:16

Войтырыс вочавидзис: «Ми огӧ кежӧй Господьысь! Мукӧд енъяслы кесъявны огӧ кутӧй.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.