Нав Исус 22:28 - Коми Библия 2023

²⁸ Ми шуим, мый тайӧ кывъяссӧ кӧ локтана кадӧ шуасны миянлы да миянсянь чужысьяслы, сэки ми вочавидзам: ”Видзӧдӧй, со Господьлӧн висьпуктанін сямаӧс вӧчӧма. Сійӧс лэптісны миян батьяс, эз сотан вись да мукӧд вись вайӧм могысь, но медым тіян да миян костын [да миянсянь чужысьяс костын] сійӧ вӧлі пасӧн”.

Нав Исус 22:28 Iomraidhean Croise

Олӧм 31:48

Лаван шуис: «Талун тайӧ мылькйыс [да казьтылан изйыс, мый ме сувтӧді,] морт пыдди кылӧ сёрнитчӧмнымӧс». Сійӧн тайӧ местасӧ нимтӧны Галаад,

Ӧксыяслӧн 4 небӧг 16:10

Ахаз ӧксы муніс Дамаскӧ, мед аддзысьлыны ассурса Тиглатпаласар ӧксыкӧд. Дамаскын сійӧ аддзис висьпуктанін да ыстіс Урий поплы висьпуктанінлысь серпассӧ да сійӧс вӧчанноглысь баласӧ.

Петӧм 25:40

Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

Исай 19:19

Сійӧ лунӧ Египет шӧрын кутас сулавны Господьлы висьпуктанін, а му вежтасас – Господьлӧн вежа из.

Еврейяслы 8:5

Найӧ кесъялӧны крамын, мый вӧчӧма енэжвывсаӧс моз. Крамыс – енэжвывсаыслӧн вуджӧрыс. Мувывса вежа чомсӧ вӧчтӧдз на Енмыс висьталіс Мӧисейлы: «Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

Нав Исус 22:27

Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен.

Нав Исус 22:29

Мед эськӧ оз ло сідзи, мый ми кыпӧдчам Господьлы паныд, кежам Сыысь да асланым Господь Енлӧн вежа чом водзын сулалысь висьпуктанінысь ӧтдор сувтӧдам мӧд висьпуктанін, кӧні кутам вайны сотан висьяс, нянь висьяс да мукӧд висьяс».

Нав Исус 24:27

Исус шуис войтырыслы: «[Локтан кадӧ] тайӧ изйыс казьтылас, мый ті мыжаӧсь, ті кӧ соссянныд [Господьысь,] асланыд Енмысь. Ӧд тайӧ изйыс кывліс Господьлысь став кывсӧ, мый Сійӧ висьталіс миянлы [талун]».