Нав Исус 22:27 - Коми Библия 2023

²⁷ Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен.

Нав Исус 22:27 Iomraidhean Croise

Олӧм 31:48

Лаван шуис: «Талун тайӧ мылькйыс [да казьтылан изйыс, мый ме сувтӧді,] морт пыдди кылӧ сёрнитчӧмнымӧс». Сійӧн тайӧ местасӧ нимтӧны Галаад,

Олӧм 31:52

Тайӧ мылькйыс да казьтылан изйыс морт пыдди кылісны миянлысь сёрнитчӧмнымӧс. Найӧ кутасны миянлы казьтывны, медым на бокиті ми эгӧ вуджӧй ӧта-мӧд дінӧ лёк мӧвпъясӧн.

Псалтыр 16:5

Ёнмӧд менсьым воськовъясӧс, медым менам кокӧй эз кеж Тэнад туйысь.

Исай 19:19

Сійӧ лунӧ Египет шӧрын кутас сулавны Господьлы висьпуктанін, а му вежтасас – Господьлӧн вежа из.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Нав Исус 22:10

Рувим да Гад чужанкотыръяс да Манассейлӧн джын чужанкотырыс воисны Йӧрдан ю дорӧ. Сэтчӧ, Ханаан муӧ, найӧ лэптісны ыджыд висьпуктанін.

Нав Исус 22:26

Дзик та вӧсна ми шуим лэптыны висьпуктанін, а эгӧ сы могысь, медым вайны сэні сотан висьяс да мукӧд висьяс.

Нав Исус 22:28

Ми шуим, мый тайӧ кывъяссӧ кӧ локтана кадӧ шуасны миянлы да миянсянь чужысьяслы, сэки ми вочавидзам: ”Видзӧдӧй, со Господьлӧн висьпуктанін сямаӧс вӧчӧма. Сійӧс лэптісны миян батьяс, эз сотан вись да мукӧд вись вайӧм могысь, но медым тіян да миян костын [да миянсянь чужысьяс костын] сійӧ вӧлі пасӧн”.

Нав Исус 22:34

Рувим да Гад чужанкотыръяс [да Манассейлӧн джын чужанкотырыс] висьпуктанінсӧ нимтісны Эдӧн, ӧд шуисны, мый тайӧ висьпуктаніныс лои миян костын пасӧн сы йылысь, мый Господь эм Ен.

Нав Исус 24:27

Исус шуис войтырыслы: «[Локтан кадӧ] тайӧ изйыс казьтылас, мый ті мыжаӧсь, ті кӧ соссянныд [Господьысь,] асланыд Енмысь. Ӧд тайӧ изйыс кывліс Господьлысь став кывсӧ, мый Сійӧ висьталіс миянлы [талун]».

Ӧксыяслӧн 1 небӧг 7:12

Самуил босьтіс из да сувтӧдіс сійӧс Миспа да Шен каръяс костӧ. Самуил сетіс изйыслы Эвен-Эзер ним да шуис, тайӧ местаӧдзыс пӧ Господь отсаліс миянлы.