Нав Исус 22:23 - Коми Библия 2023

²³ Господь мед Ачыс водзӧс перъяс миянлысь, ми кӧ кежим Сыысь да вӧчим висьпуктанінсӧ сотан вись, нянь вись да бурасян вись вайӧм могысь.

Нав Исус 22:23 Iomraidhean Croise

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

2 Каднебӧг 24:22

Йоас ӧксы вунӧдіс Закарлӧн Иодай батьыслысь сылы бур вӧчӧм йылысь да виис Иодайлысь писӧ. Кулігас Закар шуис: «Господь аддзӧ тайӧс, Сійӧ мед водзӧс перъяс!»

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 33:6

Локтысь тышкайӧзӧс аддзигӧн кӧ видзысь оз буксы буксанӧн да оз юӧрт войтырыслы вӧрӧг локтӧм йылысь, сэки вӧрӧг локтас да виас йӧзӧс. Быдӧн кулас аслас мыж вӧсна, но шыпурт улӧ веськалӧм мортлӧн вирысь Ме водзӧс перъя видзысьлысь.

Езекиль 33:8

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 18:19

Коді оз кывзы Менсьым кывъясӧс, мый тайӧ пророкыс висьталас Менам нимсянь, сійӧс Ме мыжда.

Нав Исус 22:24

Ми лэптім висьпуктанінсӧ, ӧд полам, мый тіянсянь чужысьяс коркӧ шуасны миянсянь чужысьяслы: ”Мый тіянлы колӧ Господьсянь, Израильлӧн Енсянь!

Ӧксыяслӧн 1 небӧг 20:16

Тадзи Ионафан кӧрталіс йитӧд Давид рӧдкӧд да шуис: «Господь мед водзӧс перъяс Давидлӧн вӧрӧглысь».