Нав Исус 2:24 - Коми Библия 2023

²⁴ «Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».

Нав Исус 2:24 Iomraidhean Croise

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Шусьӧгъяс 25:13

Кӧдзыд ва ыркӧдӧ нянь вундысьӧс – татшӧм жӧ эскана кесйӧг аслас мӧдӧдысьлы, сійӧ вын сетӧ аслас ыджыдыслы.

Нав Исус 1:8

Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.

Нав Исус 2:23

Керӧсвыв муысь лэччӧм бӧраныс кыйӧдчысьяс вуджисны Йӧрдан ю да локтісны Навлӧн Исус пи дінӧ. Найӧ висьталісны сылы ставсӧ, мый накӧд вӧлі.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Нав Исус 6:2

Аслад став тышкайӧзкӧд ӧтчыдысь луннас кытшовтӧй кар гӧгӧрыс. Тадзи вӧчӧй квайт лун чӧж.

Нав Исус 8:1

Господь шуис Исуслы: «Эн пов да эн тірав. Босьт аскӧдыд тышӧ петны вермысьясӧс да мун Гайӧ. Ме сета тэнад киӧ сэтчӧс ӧксыӧс да сылысь войтырсӧ, карсӧ да ставнас мусӧ.

Ёрдысьяс 1:2

Господь вочавидзис: «Иуда чужанкотыр петас. Сы киӧ Ме сета мусӧ».

Ёрдысьяс 18:10

Кор воанныд сэтчӧ, ті аддзанныд повтӧг олысь войтырӧс да налысь паськыд мусӧ. Енмыс сетас тіян киӧ тайӧ мусӧ, кӧні абу некутшӧм тырмытӧмтор».

Ёрдысьяс 7:9

Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ.