Нав Исус 15:1 - Коми Библия 2023

¹ Пудъясьӧм бӧрын Иуда чужанкотырлӧн рӧдъяслы вичмис лунвылысь му. Муыс нюжӧдчӧ Эдом муӧдз да Цин овтӧминӧдз.

Нав Исус 15:1 Iomraidhean Croise

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Езекиль 47:19

Лунвылын мудорыс мунас Тамар карсянь Мериват-Кадеш ваяс дорӧдз, сэтысянь шорті Ыджыд саридз дорӧдз. Тайӧ лунвыв мудор.

Езекиль 48:7

Рувим чужанкотырлӧн му лунвывладорын асыввывсянь рытыввылӧдз лоӧ Иуда чужанкотырлӧн муыс.

Лыд 20:16

Но кор ми шыасим Господь дінӧ, Сійӧ кыліс миянӧс да мӧдӧдіс анделсӧ, медым петкӧдны миянӧс Египетысь. Ӧні ми сулалам Кадеш карын, кысянь заводитчӧ тэнад муыд.

Марк 3:8

Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ.

Индӧд 32:51

Тайӧ тіянлы сыысь, мый ті Меным паныд мыж вӧчинныд Израиль пиян водзын Мерива ва петанін дорын Кадешын, Цин овтӧминын, кор ті Израиль пиян водзын энӧ пыдди пуктӧй Менӧ, ассьыныд вежа Ентӧ.

Нав Исус 14:2

Мусӧ юклісны пудъясьӧмӧн ӧкмыс чужанкотырлы да [Манассейлӧн] джын чужанкотырлы, кыдзи Господь тшӧктіс Мӧисей пыр.

Нав Исус 15:2

Налӧн лунвыв мудорныс заводитчӧ Сола саридз лунвывладорсянь,

Нав Исус 18:5

Налы колӧ юкны му сизим пельӧ. Иуда чужанкотыр мед кольччас аслас лунвыв муӧ, и Ӧсипсянь чужысьяс мед кольччасны асланыс войвыв муӧ.