Нав Исус 12:1 - Коми Библия 2023

¹ Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

Нав Исус 12:1 Iomraidhean Croise

Ӧксыяслӧн 3 небӧг 4:19

Урилӧн Гевер пиыс юраліс Галаадын, аморейяслӧн Сигон ӧксылӧн да васанса Ог ӧксылӧн муясын.

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Псалтыр 89:12

Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм.

Исай 16:2

Арнон ю вуджигӧн моавса нывъяс лоӧны пышйысь лэбачьяс кодьӧсь, позсьыныс шыбитӧмаяс кодьӧсь.

Лыд 21:13

Заред ковтыссянь водзӧ мунісны да сувтісны овтӧминӧ, Арнон ю мӧдлапӧлӧ, аморейяслӧн му бокӧ. Моав му вӧлі паськӧдчӧма Арнон юӧдз, юыс торйӧдіс моавсаясӧс да аморейясӧс.

Лыд 21:21

Израильсаяс ыстісны йӧзӧс аморейяслӧн Сигон ӧксы дінӧ, медым [бурпырысь] висьтавны:

Лыд 21:24

Израиль вермис Сигонӧс, босьтіс сылысь мусӧ Арнон юсянь Явок юӧдз, кысянь заводитчис аммон войтырлӧн муыс. Аммон войтыр бура видзис ассьыс мудорсӧ.

Лыд 32:19

Йӧрдан ю сайысь ми огӧ босьтӧй накӧд мусӧ, ӧд миян му юкӧныс тані, Йӧрдан юсянь асыввылын».

Лыд 32:32

Господь водзын ми босьтам шыпуртнымӧс, медым петны тышӧ, да мунам Ханаан муӧ, но муыс мед вичмас миянлы Йӧрдан ю таладорысь».

Лыд 32:33

Сэки Мӧисей сетіс Гад да Рувим чужанкотыръяслы, а сідзжӧ Ӧсип Манассейлӧн джын чужанкотырлы аморейяслӧн Сигон ӧксылысь мусӧ да васанса Ог ӧксылысь мусӧ сэтчӧс каръяснас да нагӧгӧрса муяснас.

Индӧд 2:24

«Господь шуис: ”Чеччӧй, мӧдӧдчӧй да вуджӧй Арнон ю сайӧ. Ме сета тіян киӧ Сигонӧс, хешбонса аморей ӧксыӧс, да сылысь мусӧ. Петӧй тышӧ да босьтӧй сылысь мусӧ.

Индӧд 2:32

Яхацӧ воӧм бӧрын Сигон ӧксы став аслас тышкайӧзыскӧд петіс тышӧ миянлы паныд.

Индӧд 3:1

«Ми кежим Васан муӧ нуӧдысь туй вылӧ. Эдрей кар дорын васанса Ог ӧксы аслас тышкайӧзкӧд петіс тышӧ миянлы паныд.

Индӧд 4:44

Мӧисей юӧртіс Израиль пиянлы Индӧд.

Индӧд 4:46

Йӧрдан сайын, Бет-Пеорлы воча ковтысын, аморейяслӧн Сигон ӧксылӧн муын. Сигон юраліс Хешбон карын, но сійӧс пасьвартісны Мӧисей да Израиль пиян Египетысь петӧм бӧрын.

Индӧд 4:48

Тайӧ муыс заводитчис Арнон ю бокын сулалысь Ароэр карсянь да нюжӧдчис Сирион керӧсӧдз, мӧд ногӧн кӧ, Ермон керӧсӧдз.

Нав Исус 1:15

кытчӧдз Господь, тіян Енныд, оз сет налы сійӧ мусӧ, кӧні найӧ кутасны тіян моз лӧня овны. Кор найӧ босьтасны аслыныс сійӧ мусӧ, ті верманныд бӧр локны асланыд муӧ, мый Мӧисей, Господьлӧн кесйӧг, сетіс тіянлы Йӧрдан ю таладорысь, асыввыв муысь».

Нав Исус 11:17

Босьтӧм муяс нюжӧдчисны Сеир керӧсвыв му дорын сулалысь Халак керӧссянь Ваал-Гад карӧдз, мый сулалӧ Ермон керӧс бердын Ливан ковтысын. Став сэтчӧс ӧксысӧ Исус босьтіс пленӧ да виис.

Нав Исус 11:3

Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

Нав Исус 13:8

Рувим да Гад чужанкотыръяслы да Манассейлӧн джын чужанкотырлы Мӧисей, Господьлӧн кесйӧг, сетіс му Йӧрдан ю асыввылысь.

Нав Исус 22:4

Ӧні Господь, тіян Енныд, Аслас кӧсйысьӧм серти сетіс вокъясныдлы лӧнь олӧм. Та вӧсна ті верманныд бӧр мунны асланыд оланінӧ, асланыд муӧ, мый Йӧрдан ю сайысь сетіс тіянлы Мӧисей, Господьлӧн кесйӧг.

Ёрдысьяс 11:18

Сэсся войтырыс муніс овтӧминӧд, Эдом да Моав муясӧ эз пырав, но матыстчис Моав му дінӧ асывладорсяньыс. Сэні израильсаяс сувтісны чомъяснаныс Арнон ю бокӧ. Арнон ю вомӧн найӧ эз вуджны да Моав муӧ эз пырны.