18 Тайӧ ӧксыясыскӧд Исус вермасис дыр кад чӧж.
Босьтӧм муяс нюжӧдчисны Сеир керӧсвыв му дорын сулалысь Халак керӧссянь Ваал-Гад карӧдз, мый сулалӧ Ермон керӧс бердын Ливан ковтысын. Став сэтчӧс ӧксысӧ Исус босьтіс пленӧ да виис.
Гаваон карын олысь хивейяс кындзи некод эз кӧртав йитӧд Израиль пиянкӧд. Став мукӧд карсӧ израильсаяс босьтісны тышӧн.
Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.
