Нав Исус 11:15 - Коми Библия 2023

¹⁵ Кыдзи Господь тшӧктіс Аслас Мӧисей кесйӧглы, сідзи Мӧисей тшӧктіс Исуслы. Исус нинӧм эз торк сыысь, мый Господь тшӧктіс Мӧисейлы.

Нав Исус 11:15 Iomraidhean Croise

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

Лыд 33:50

Моав ласта вылын Йӧрдан ю бокын, Ериконлы воча, Господь тшӧктіс Мӧисейлы

Лыд 33:52

вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Матвей 23:23

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сетанныд исань турунысь, укропысь да тминысь дасӧд юкӧнсӧ. А Индӧдысь коланаджыкторсӧ эновтінныд: веськыда мыждӧмсӧ, буралӧмсӧ да эскӧмсӧ. Тайӧс колӧ вӧчны да мукӧдторсӧ оз ков вунӧдны.

Лука 11:42

Курыд шог тіянлы, фарисейяс! Ті сетанныд исань турунысь, рута корйысь да став пуктасысь дасӧд юкӧнсӧ, а веськыда мыждӧмсӧ да Енмӧс радейтӧмсӧ бокӧ вештанныд. Тайӧс колӧ вӧчны да мукӧдторсӧ оз ков вунӧдны.

Ап. уджъяс 20:20

Йӧз водзын да тіян гортъясын велӧдігӧн ме висьталі тіянлы став коланасӧ.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 31:3

Господь, тіян Енныд, Ачыс мунас тіян водзвылын. Сійӧ бырӧдас войтыръясӧс тіян водзысь, и ті босьтанныд налысь мусӧ. Тіянӧс нуӧдас Исус, кыдзи висьтавліс Господь.

Индӧд 31:5

Господь сетас найӧс тіян киӧ. Вӧчӧй налы, кыдзи ме тшӧкті тіянлы.

Индӧд 31:7

Мӧисей корис Исусӧс да став Израиль войтыр водзын шуис сылы: «Ло зумыд да повтӧм! Тэ нуӧдан тайӧ войтырсӧ сійӧ муас, мый Господь кыв сетӧмӧн кӧсйысис сетны налӧн батьяслы, да юклан сійӧс налы.

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Нав Исус 11:12

Исус босьтіс тшӧтш мукӧд ӧксыяслысь каръяссӧ, виис шыпуртӧн став ӧксысӧ да сэтчӧс олысьясӧс. Сійӧ дзикӧдз бырӧдіс ставнысӧ, кыдзи тшӧктіс Мӧисей, Господьлӧн кесйӧг.

Нав Исус 11:14

Тайӧ каръясысь шедӧдӧмторсӧ да ыж-мӧссӧ Израиль пиян босьтісны аслыныс. А став йӧзсӧ виалісны шыпуртӧн, ловъя морт эз коль.

Нав Исус 11:16

Исус босьтіс тайӧ муяссӧ: керӧсвыв му, Негев да Гошен муяс, керӧсбердса му, Йӧрдан ковтыс, Израиль керӧсъяс да на бердысь му.

Ӧксыяслӧн 1 небӧг 15:11

«Ме чорыда жалита, мый пукті Саулӧс ӧксыӧ. Сійӧ бергӧдчис Меысь да эз вӧч Менам тшӧктӧм серти». Самуил шогӧ усис. Войбыд сійӧ кевмысис Господьлы.