Нав Исус 10:41 - Коми Библия 2023

⁴¹ Исус босьтіс Кадеш-Варнисянь Газаӧдз став мусӧ да Гаваонӧдз Гошен му.

Нав Исус 10:41 Iomraidhean Croise

Олӧм 10:19

Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

Ӧксыяслӧн 3 небӧг 3:5

Войнас Гаваонын Соломонлы вӧтас петкӧдчис Господь Ен да шуис: «Кор Менсьым, мый кӧсъян, и Ме сета тэныд».

Закар 9:5

Тайӧс аддзӧмысь Аскалон повзяс, Газа ёна тіравны пондас, Экронӧс тшӧтш тіралӧм босьтас, ӧд сылӧн лачаыс серамтуйын лоӧ. Газаысь ӧксыӧс петкӧдасны, Аскалонын олысьыс оз ло,

Лыд 13:26

Нелямын лун чӧж мусӧ видзӧдалӧм бӧрын найӧ бӧр локтісны

Лыд 32:8

Тадзи вӧчлісны тшӧтш тіян батьясныд, кор ме мӧдӧді найӧс Кадеш-Варнисянь видзӧдлыны кӧсйысьӧм мусӧ.

Лыд 34:4

бергӧдчас Акравим ыблань да мунас Цин овтӧминӧд, кытшовтас лунвывсянь Кадеш-Варни, сэсянь мунас Хацар-Аддарӧ да водзӧ Ацмонӧ.

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Индӧд 2:23

Аввейяс олісны Газаӧдз паськӧдчӧм сиктъясын, но Кафторысь петӧм войтыр бырӧдіс найӧс да овмӧдчис налӧн муӧ».

Индӧд 9:23

А кор Господь, тіян Енныд, мӧдӧдіс тіянӧс Кадеш-Варниысь да тшӧктіс мунны да босьтны мусӧ, мый Сійӧ сетас тіянлы, ті пыксинныд Сылӧн тшӧктӧмлы, энӧ эскӧй Сылы да энӧ кывзысьӧй Сылысь.

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!

Нав Исус 10:2

Адони-Седек ёна повзис, ӧд Гаваон кар вӧлі ӧксыяслӧн юралан каръяс кодь ыджыд. Сійӧ вӧлі Гай карысь на ыджыд, и сэтчӧс айуловыс вӧліны вына тышкасьысьяс.

Нав Исус 11:16

Исус босьтіс тайӧ муяссӧ: керӧсвыв му, Негев да Гошен муяс, керӧсбердса му, Йӧрдан ковтыс, Израиль керӧсъяс да на бердысь му.

Нав Исус 11:22

Израиль муын эз коль енак войтырысь ни ӧти морт, найӧ колисны сӧмын Газаын, Гефын да Азотын.

Нав Исус 15:51

Гошен, Холон да Гило каръяс – дас ӧти кар да нагӧгӧрса сиктъяс.

Ёрдысьяс 16:1

Ӧтчыд Самсон локтіс Газа карӧ, аддзис сэні кырсалысь аньӧс да пырис сы ордӧ.

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ӧксыяслӧн 1 небӧг 6:17

Зарниысь вӧчӧм мыльяссӧ филистимсаяс вайисны Господьлы мыж вештан вись пыдди вит филистимса кар вӧсна: Азот, Газа, Аскалон, Геф да Экрон каръяс вӧсна.