Нав Исус 10:20 - Коми Библия 2023

²⁰ Исус да Израиль пиян дзикӧдз пасьвартісны вӧрӧгӧс. Коли сӧмын лыда морт, кодъяс вермисны пышйыны асланыс изкаръясӧ.

Нав Исус 10:20 Iomraidhean Croise

Ӧксыяслӧн 2 небӧг 20:6

Сэки Давид шуис Авишайлы: «Бикрилӧн Шевей пиыс вермас Авессалом дорысь на унджык лёксӧ вӧчны миянлы. Босьт аскӧдыд менсьым йӧзӧс да вӧтчы сы бӧрся. Сійӧ вермас пышйыны миянысь да дзебсьыны изкарӧ».

Ӧксыяслӧн 3 небӧг 20:21

Израильса ӧксы аслас тышкайӧзкӧд уськӧдчис да пасьвартіс арамейясӧс, босьтіс налысь вӧвъяссӧ да тарантасъяссӧ.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.

Еремей 4:5

Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

Еремей 8:14

– Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Индӧд 20:16

А татчӧс войтыръяслӧн каръясысь, мый Господь, тіян Енныд, сетас тіянлы, некодӧс ловйӧн энӧ кольӧй.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:19

А ті водзӧ вӧтӧдӧй вӧрӧгтӧ. Виалӧй ставнысӧ, энӧ лэдзӧй налы пышйыны асланыс каръясӧ. Господь, тіян Енныд, сетас найӧс тіян киӧ».

Нав Исус 10:21

Став израильса тышкайӧзыс дзоньвидзаӧн бӧр локтісны Македаӧ сувтӧдӧм чомъясӧ Исус дінӧ. Израиль пиян вылӧ некод эз лысьт весиг вомсӧ восьтны.

Нав Исус 11:12

Исус босьтіс тшӧтш мукӧд ӧксыяслысь каръяссӧ, виис шыпуртӧн став ӧксысӧ да сэтчӧс олысьясӧс. Сійӧ дзикӧдз бырӧдіс ставнысӧ, кыдзи тшӧктіс Мӧисей, Господьлӧн кесйӧг.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Нав Исус 8:24

Гайса айуловӧс овтӧминын шыпуртӧн виалӧм бӧрын израильсаяс бергӧдчисны Гай карӧ да сэтысь виалісны шыпуртӧн быдӧнӧс.