Микей 7:18 - Коми Библия 2023

¹⁸ Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Микей 7:18 Iomraidhean Croise

Олӧм 4:7

Вӧчан кӧ бурсӧ, лэпты юртӧ. А он кӧ вӧч бурсӧ, со, ӧдзӧс дорад мыжыс кыйӧдчӧ. Сійӧ кыскӧ тэнӧ ас дорас, но тэ ыджыдав сы вылын».

Ӧксыяслӧн 3 небӧг 8:23

да шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

2 Каднебӧг 30:9

Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ».

2 Каднебӧг 6:21

Кыв Аслад кесйӧглысь да Аслад Израиль войтырлысь кевмӧмсӧ, кор найӧ шыасясны Тэ дінӧ тайӧ крамас. Кыв найӧс енэжсяньыд, Аслад оланінсянь. Кыв найӧс да прӧстит найӧс.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Псалтыр 103:13

Аслад выліинсянь Тэ зэрӧн юктӧдан керӧсъяс, Тэнад сетӧмторъясӧн пӧткӧдчӧ муыс.

Псалтыр 35:10

Ӧд Тэсянь визувтӧ олӧм, Тэнад югыдад ми аддзам югыдсӧ.

Псалтыр 65:3

Шуӧй Енмыслы: «Тэнад уджъясыд повзьӧдланаӧсь! Тэнад кипод улӧ сетчасны Тэныд паныд сувтысьяс, ӧд Тэнад выныд вывті ыджыд.

Псалтыр 65:4

Му вылын став олысьыс мед копыртчас Тэ водзӧ, мед сьылас Тэныд, [Медвылыссаӧй,] мед сьылӧмӧн ошкас Тэнсьыд нимтӧ!»

Псалтыр 71:19

Ошкӧм Сылӧн ыджыд нимлы нэмъяс чӧж! Сылӧн дзирдлуныс мед вевттяс став мусӧ! Аминь, аминь.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Псалтыр 89:6

Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ.

Псалтыр 89:8

Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Исай 33:24

Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма.

Исай 38:17

Курыд шогыс бергӧдчис меным бур вылӧ, Тэ мездін менӧ кулӧмысь, став менсьым мыжъясӧс Тэ шыбитін Аслад мышку сайӧ.

Исай 40:18

Кодкӧд ті ӧткодяланныд Енсӧ, аддзанныд-ӧ нӧшта Сы коддьӧмсӧ?

Исай 40:25

Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.

Исай 43:25

Ас ради Ме Ачым чышкышта тэнсьыд лёк вӧчӧмъястӧ, тэнсьыд мыжъястӧ ог нин казьтывлы.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 57:10

Тэ мудзлін аслад кузь туйысь, но эн шулі, тайӧ пӧ весьшӧрӧ. Тэ пыр ёнмӧдчывлін, эн мудзлы.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Исай 64:9

Господьӧй, эн скӧрав миян вылӧ дугдывтӧг, эн век казьтыв миянлысь мыжъяснымӧс. Эн вунӧд, мый ми – Тэнад войтырыд!

Исай 65:19

Ме понда нимкодясьны Ерусалимӧн, долыда нимкодясьны Аслам войтырӧн. Сэні некор оз кут кывны бӧрдӧм-горзӧм.

Еремей 3:12

Мун войвывлань да юӧрт тайӧ кывъяссӧ: – Бергӧдчы, Израиль, Менӧ эновтысь, – висьталӧ Господь. – Ме ог кисьт Ассьым скӧрлунӧс тіян вылӧ, ӧд Ме бур сьӧлӧма, – висьталӧ Господь, – Ме ог скӧрав дугдывтӧг.

Еремей 3:5

Тэ ӧмӧй пыр пондан лӧгавны? Тэ ӧмӧй помтӧг кутан скӧравны?” Тадзи тэ, Израиль войтыр, сёрнитан, но ачыд тэ сы мында лёксӧ вӧчан».

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Еремей 33:8

Ме прӧстита да весала найӧс став мыжсьыс, мый найӧ вӧчисны Меным паныд. Ме прӧстита налысь Меным паныд кыпӧдчӧмсӧ.

Еремей 38:8

Эведмелек петіс ӧксы керкаысь. Сійӧ локтіс ӧксы дінӧ да шуис:

Еремей 50:20

Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Езекиль 18:23

Ме ог кӧсйы, медым лёк вӧчысь куліс, – висьталӧ Господь Ыджыдыс. – А кӧсъя, медым сійӧ бергӧдчас аслас лёк туй вылысь да кутас овны.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Езекиль 33:16

Сылысь став мыжсӧ лоӧ вунӧдӧма, ӧд сійӧ пондіс овны веськыда. Та вӧсна сійӧ кутас овны.

Даниил 9:9

Но Тэ, Господьӧй, миян Енмӧй, бур сьӧлӧма миян дінӧ. Ми кыпӧдчим Тэныд паныд, но Тэ прӧститан миянӧс.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Осий 14:5

– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Амос 1:11

Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.

Амос 7:8

Господь юаліс менсьым: «Мый тэ аддзан, Амос?» Ме вочавидзи: «Изъя кӧв». Господь шуис: «Тайӧ изъя кӧвнас Ме тӧдмала Ассьым Израиль войтырӧс, медым аддзыны, веськыдӧсь-ӧ найӧ. Водзӧ найӧс ог прӧстит».

Амос 8:2

Господь юаліс: «Мый тэ аддзан, Амос?» Ме вочавидзи: «Кисьмӧм яблӧг-груша тыра куд». Господь шуис меным: «Менам Израиль войтырлы пом воис. Водзӧ найӧс ог прӧстит».

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Микей 5:3

Господь эновтас Ассьыс войтырсӧ кад кежлӧ, кытчӧдз чужтысьыс оз чужты. Сэки вокъяслӧн колясыс бӧр локтас Израиль пиян дінӧ.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Лыд 23:21

Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Лука 24:47

сэсся Ерусалимын и водзӧ быд войтырлы Сы нимӧн колӧ юӧртны мыжъясысь бергӧдчӧм да мыжъяс прӧститӧм йылысь.

Римӧ 11:4

Мый сылы Енмыс воча шуӧ? «Ме коли Аслым сизим сюрс мортӧс, кодъяс эз пидзӧсчанясьны Ваал водзӧ».

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.