Микей 6:9 - Коми Библия 2023

⁹ Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Микей 6:9 Iomraidhean Croise

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Иов 10:2

Енмыслы ме шуа: эн мыжды менӧ, висьтав, мыйысь Тэ менӧ мыжалан.

Иов 23:14

Сійӧ збыльмӧдас, мый шуӧма лоны меным, и татшӧм шуӧмыс Сылӧн уна.

Иов 5:17

Майбыр сійӧ, кодӧс вежӧрсьӧдӧ Ен, Ставсӧвермысьлысь чирыштӧмсӧ эн ӧтдорт.

Псалтыр 48:10

медым сійӧ помтӧг оліс, медым сійӧс некор эз гуавны.

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Шусьӧгъяс 22:3

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 27:10

Кушмас-тыртӧммас зумыд кар, оланінъяссӧ йӧзыс колясны-эновтасны, кар пыдди лоӧ овтӧмин. Сэні пондасны куйлыны да йирсьыны куканьяс, найӧ кушӧдз йирасны пуяслысь коръяссӧ.

Исай 30:27

Со, ылісянь локтӧ Господь, ыпъялӧ Сылӧн скӧрлуныс, Сылӧн ыпъялан биыс вына, Сылӧн вомыс тырӧма лӧглунӧн, Сылӧн кывйыс ставсӧ сотысь би кодь.

Исай 66:6

Со, гора шы кылӧ карысь, шыыс петӧ крамысь, кылӧ Господьлӧн гӧлӧс шыыс, Сійӧ мыждӧ паныд сувтысьясӧс.

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Еремей 47:7

Но тэ он вермы ӧвсьынытӧ, ӧд Господь тшӧктіс тэныд сувтны Аскалон карлы паныд да саридз дорын олысьяслы паныд.

Езекиль 7:9

Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Амос 2:5

Та понда Иудаӧс Ме биӧн сота, Ерусалим изкарӧс би ньылыштас.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Микей 6:10

Тіян керкаясын ӧнӧдз на эм ылӧдчӧмӧн нажӧвитӧм озырлун, пӧръясьӧмӧн муртасян доз.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!