Микей 4:4 - Коми Библия 2023

⁴ Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.

Микей 4:4 Iomraidhean Croise

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Ӧксыяслӧн 3 небӧг 5:5

Ӧні ме кӧсъя лэптыны аслам Господь Енлы крам. Ӧд менам Давид батьлы на Господь шуліс: ”Тэнад пиыд, кодӧс Ме пуксьӧда тэ пыдди юралан пуклӧсад, лэптас Меным керка”.

Иов 11:19

тэ водан шойччыны, и некод тэнӧ оз повзьӧд, унаӧн кутасны тэнсьыд отсӧг корны.

Псалтыр 72:3

ӧд ме вежалі лёк вӧчысьяслы, кор аддзи налысь бур олӧмсӧ.

Шусьӧгъяс 3:25

Он повзьы, кор лёкыс суас виччысьтӧг, он повзьы, кор мыж вӧчысьясӧс суас бырӧдӧмыс,

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Исай 17:2

Ароэр каръясӧс лоӧ эновтӧма, найӧ вичмасны ыж-мӧслы, ыж-мӧс кутасны шойччыны сэні, и некод оз повзьӧд найӧс.

Исай 22:25

Но воас лун, – висьталӧ Господь Саваоф, – кор зумыдінӧ тувъялӧм кӧрттулыс усяс. Сійӧ чегас да усяс, и ставыс, мый кутчысис сы вылын, усяс да жугалас». Тадзи висьталӧ Господь.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Исай 32:17

Веськыдлуныс ваяс лӧнь олӧм, лӧньлун да повтӧмлун нэмъяс кежлӧ.

Исай 36:16

Энӧ кывзӧй Езекейӧс! Ассурса ӧксы тадзи висьталӧ: ”Сетчӧй меным да локтӧй ме дінӧ! Сэки ті кутанныд сёйны виноград да инжир вотӧс асланыд пуясысь, юны ва асланыд юкмӧсысь.

Исай 40:5

Сэки тыдовтчас Господьлӧн дзирдлуныс, и ставӧн аддзасны, мый Господь висьталіс.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 58:14

сэки Господь лоас тэнад олан гажӧн! Ме нуӧда тэнӧ муыслӧн выліинъясӧд, верда тэнӧ Яков батьыдлӧн му вылын быдмӧм няньӧн. Тадзи висьталӧ Господь.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Езекиль 34:28

Найӧ оз нин шедны мукӧд войтыръяслӧн киӧ, и зверъяс оз косявлыны найӧс. Найӧ кутасны повтӧг овны, ӧд повзьӧдысьыс оз нин ло.

Езекиль 38:11

да шуан, ме пӧ уськӧдча му вылӧ, кӧні каръяс гӧгӧр стенмыс абу. Йӧзыс пӧ сэні олӧны лӧня да повтӧг, кар гӧгӧрныс стен, дзиръя ни иган абу.

Езекиль 39:26

Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Микей 5:3

Господь эновтас Ассьыс войтырсӧ кад кежлӧ, кытчӧдз чужтысьыс оз чужты. Сэки вокъяслӧн колясыс бӧр локтас Израиль пиян дінӧ.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Закар 3:10

Сэки, – висьталӧ Господь Саваоф, – ті коранныд ёртъяснытӧ да орччӧн олысьяснытӧ ас орданыд, медым виноград да инжир пуяс улын рытпукны.