Микей 1:6 - Коми Библия 2023

⁶ – Ме кисьта Самария кар, сыысь коляс сӧмын из чукӧр, кытчӧ пуктасны виноград. Изъяссӧ ковтысӧ шыблала, карсӧ подулӧдзыс кисьта-бырӧда.

Микей 1:6 Iomraidhean Croise

Ӧксыяслӧн 2 небӧг 17:13

А дзебсяс кӧ сійӧ кутшӧмкӧ карӧ, сэки став Израиль войтыр локтас сэтчӧ гезъясӧн. Весиг ӧти из оз коль тайӧ карас, ставсӧ кыскалам ковтысӧ».

Ӧксыяслӧн 4 небӧг 18:10

А куим во мысти Езекей ӧксылӧн квайтӧд веськӧдлан воӧ да израильса Осий ӧксылӧн ӧкмысӧд веськӧдлан воӧ Салманассар босьтіс Самария кар.

Ӧксыяслӧн 4 небӧг 18:9

Езекейлӧн нёльӧд веськӧдлан воӧ да израильса Осий ӧксылӧн, Элай пилӧн, сизимӧд веськӧдлан воӧ, ассурса Салманассар ӧксы уськӧдчис Самария кар вылӧ да кытшаліс сійӧс.

Ӧксыяслӧн 4 небӧг 19:25

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Исай 25:12

Тэнсьыд джуджыд да зумыд стенъястӧ Сійӧ жугӧдас, пӧрӧдас-пасьвартас муас.

Исай 25:2

Карсӧ Тэ кисьтін, сійӧ лои из чукӧрӧн, изкарыс лои лӧп чукӧрӧн. Нартитысьяслысь керкаяссӧ жуглӧма, найӧс некор нин бӧрсӧ оз лэптыны.

Еремей 31:5

Самарияса керӧсъясӧ тэ выльысь пуктан виноград пуяс. Виноград пуктысьяс асьныс кутасны чукӧртны вотӧссӧ.

Еремей 51:25

Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Бӧрданкыв 4:1

Кутшӧма чусмӧма зарниыс, сӧстӧм зарни воштӧма дзирдсӧ! Вежаинысь изъяссӧ шыблалӧма туйвежъясӧ.

Езекиль 13:14

Ме жугӧда стенсӧ, налысь еджыдӧн мавтӧм стенсӧ пасьварта, кисьта сійӧс подулӧдзыс. И кор сійӧ жмуткысяс, сыкӧд тшӧтш ылӧг пророкъяс куласны. Сэки ті тӧдмаланныд, мый Ме – Господь.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Аввакум 3:13

Тэ петан мездыны Ассьыд войтыртӧ, дорйыны Ассьыд мавтыштӧматӧ. Тэ пасьвартан лёк вӧчысьяслысь юралысьсӧ, колян сійӧс нинӧмтӧг.

Матвей 24:2

Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».