Матвей 6:19 - Коми Библия 2023

¹⁹ «Энӧ чӧжӧй аслыныд озырлун му вылын. Тані сійӧс воз да сім сёйӧ, гусясьысь пырӧ да нуӧ сійӧс.

Матвей 6:19 Iomraidhean Croise

Иов 24:16

Пемыднас гусясьысь пырӧ керкаӧ, а луннас дзебсясьӧ, сылы югыдыс мустӧм.

Иов 31:24

Ме ӧмӧй лача куті зарни вылӧ, шулі ӧмӧй зарнилы, тэ пӧ менӧ видзысьыс?

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Петӧм 22:2

Коді суас керка помсьыс гусясьысьӧс да кувмӧныс вачкас сійӧс, морт виӧмысь оз ло мыжа.

Шусьӧгъяс 11:4

Скӧралан лунӧ озырлуныд оз отсав, но веськыдлуныд кулӧмысь мездас.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Матвей 19:21

Исус шуис: «Кӧсъян кӧ тырвыйӧ бурӧн лоны, мун, овмӧстӧ вузав, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Матвей 6:20

Мӧдарӧ, чӧжӧй озырлунтӧ енэжас. Сэні сійӧс воз да сім оз сёй, гусясьысь оз пыр да оз ну сійӧс.

Лука 12:21

Тадзи лоӧ быдӧнкӧд, коді аслыс чукӧртӧ озырлунсӧ, а оз Енсянь озырмӧдчы».

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Лука 12:39

Ті гӧгӧрвоанныд тайӧс: керка кутысь кӧ тӧдіс гусясьысьлысь локтан кадсӧ, сэки эськӧ эз узь да эз лэдз керкаас.

Лука 18:22

Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Лука 18:24

Исус аддзис юралысьлысь шогӧ усьӧмсӧ, сэсся шуис: «Кутшӧм сьӧкыд озырлы пырны Енлӧн Юраланінӧ!

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.