Матвей 5:22 - Коми Библия 2023

²² Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Матвей 5:22 Iomraidhean Croise

Олӧм 37:4

Вокъяс аддзисны, мый батьныслы Ӧсип мусаджык на дорысь, да кутісны мустӧмтны сійӧс, весиг лӧгпырысь сёрнитісны сыкӧд.

Олӧм 37:8

Вокъяс шуисны: «Тэ ӧмӧй лоан миян ӧксыӧн? Збыль ӧмӧй тэ кутан ыджыдавны миян вылын?» Ӧсиплӧн вӧтъясысь да сёрниысь найӧ нӧшта на ёнджыка пондісны мустӧмтны сійӧс.

Ӧксыяслӧн 2 небӧг 16:7

Шимей лёкӧдӧмӧн шуаліс Давидлы: «Весась, морт виысь! Весась, шогмытӧм морт!

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

Ӧксыяслӧн 3 небӧг 21:4

Ахав муніс гортас скӧрмӧмӧн да шогӧ усьӧмӧн, ӧд изреельса Навот шуис, ог пӧ сет тэныд аслам батьяслысь мусӧ. Гортас Ахав [инас эз ӧшйы,] водіс вольпасяс да мӧдарӧ бергӧдчис, весиг эз кут сёйны.

2 Каднебӧг 16:10

Аса ёна скӧрмис пророк вылӧ да йӧртіс сійӧс дзескыдінӧ. Войтырысь ӧткымынӧс Аса тшӧтш дзескӧдіс сійӧ кадас.

2 Каднебӧг 19:5

Иуда муын Иосафат индіс ёрдысьясӧс быд изкарӧ.

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Псалтыр 109:3

Тышӧ петан лунӧ Тэнад вежа войтырыд сувтас вынаӧн. Тэ чужин, кыдзи лысваыс усьӧ кыа петтӧдз на.

Псалтыр 14:1

Давидлӧн псалом. Господьӧй, коді вермас лоны Тэнад оланінын? Коді вермас овны Тэнад вежа керӧс вылын?

Псалтыр 25:3

Тэнсьыд буралӧмтӧ ме пыр кута тӧд вылын, ме ветлӧдла Тэнад збыль туйӧд.

Псалтыр 37:8

Менам пытшкӧсӧй ставнас сотчӧ, абу висьтӧминыс менам вир-яйын.

Псалтыр 49:10

ӧд вӧрса став звер-пӧткаыс Менам, сюрс керӧс вылын олысь став пемӧсыс тшӧтш Менам.

Псалтыр 69:4

Мед яналасны да бӧр пышъясны найӧ, кодъяс шуалӧны, тадзи пӧ тэныд и колӧ.

Псалтыр 7:4

Господьӧй Енмӧй, вӧчлі-ӧ ме мыйкӧ лёксӧ аслам киӧн,

Шусьӧгъяс 14:16

Мывкыд морт полӧ да ылыстчӧ лёксьыс, вежӧртӧм – ӧдйӧ пузьӧ да аслыс сӧмын эскӧ.

Шусьӧгъяс 18:6

Вежӧртӧм морттӧ сёрниыс зык-венӧ кыскас, вомыс тышкасьӧмӧдз вайӧдас.

Еремей 17:11

Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Бӧрданкыв 3:52

Менӧ мустӧмтысьяс помкатӧг кӧсйӧны кыйны менӧ лэбачӧс моз.

Даниил 3:13

Навукодоносор ӧксы ёна скӧрмис да тшӧктіс вайӧдны ас дінас Шадракӧс, Мешакӧс да Аведнегоӧс, и найӧс вайӧдісны сы дінӧ.

Даниил 3:19

Сэки Навукодоносор ёна скӧрмис Шадрак, Мешак да Аведнего вылӧ, сылӧн весиг чужӧмыс вежсис. Сійӧ тшӧктіс ломтыны пач воддза дорысь сизим пӧв жарджыка на.

Авдий 1:10

Ассьыд Яков воктӧ дзескӧдӧм вӧсна тэнӧ лоӧ янӧдӧма, Исав, тэнӧ лоӧ пыр кежлӧ бырӧдӧма.

Авдий 1:12

Тэ лёка вӧчин, кор нимкодясин вокыдлӧн сьӧкыдалан лунӧ, кор нимкодясин Иуда войтырӧс бырӧдан лунӧ, кор омӧльтін найӧс шог дырйиныс.

Матвей 10:17

Видзчысьӧй йӧзысь, ӧд найӧ кыскасны тіянӧс ёрдӧ да асланыс синагогаясын нӧйтасны тіянӧс.

Матвей 10:28

Энӧ полӧй вир-яйтӧ виысьясысь, ловтӧ вины найӧ оз вермыны. Полӧй Сыысь, коді ловтӧ да вир-яйтӧ вермӧ бырӧдны адын.

Матвей 12:24

Тайӧс кывлісны фарисейяс да шуисны, Сійӧ пӧ вӧтлалӧ пеж ловъясӧс налӧн Вельзевул юралысь вынӧн.

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Матвей 18:21

Сэки Петыр матыстчис Исус дінӧ да юаліс: «Господьӧй, меным кӧ вокӧй лёк вӧчӧ, кымынысь колӧ сійӧс прӧститнысӧ? Сизимысь-ӧ?»

Матвей 18:35

Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».

Матвей 23:15

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті мусӧ и васӧ вуджанныд, медым аддзыны тіян бӧрся ӧти мунысьӧс. А сюрас кӧ, ті вӧчанныд сыысь адӧ мунысьӧс, кык пӧв лёкджыкӧс на ас дорсьыныд.

Матвей 23:33

Змейяс! Вижля йылӧм! Ті ӧмӧй мынанныд мыждӧмысь да адӧ веськалӧмысь?

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 26:59

Аркирейяс, юрнуӧдысьяс да став веськӧдлан котырыс корсисны Исуслы паныд ылӧгвисьталысьясӧс, медым сэсся мыждыны да вины Сійӧс.

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Матвей 5:34

Шуа тіянлы: кыв сеттӧг ов! Эн сет кывтӧ енэж водзын – сійӧ Енлӧн пукаланіныс.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Марк 14:55

Аркирейяс да став веськӧдлан котырыс корсисны Исуслы паныд висьталысьясӧс, медым сэсся мыждыны да вины Сійӧс. Но колана висьталысьыс эз сюр.

Марк 15:1

Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Лука 22:66

Асывнас чукӧртчисны юрнуӧдысьяс, аркирейяс да Индӧдӧ велӧдысьяс. Исусӧс вайӧдісны веськӧдлан котыр водзӧ.

Иоан 11:47

Аркирейяс да фарисейяс чукӧртісны веськӧдлан котыр да сёрнитісны: «Мый миянлы вӧчны? Тайӧ Мортыс уна шензьӧданатор вӧчӧ.

Иоан 15:25

Тадзи инӧ налӧн Индӧдын гижӧмаыс: ”Мустӧмтӧны Менӧ весьшӧрӧ”.

Иоан 7:20

Йӧзыс шуисны: «Пеж лов Тэ пытшкын! Коді кӧсйӧ Тэнӧ винысӧ?»

Иоан 8:48

Иудейяс шуисны Исуслы: «Ми веськыда висьталам, мый Тэ Самарияысь да Тэ пытшкын пеж лов».

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 22:30

Сюрс тышкамортӧн веськӧдлысь кӧсйис збыльысь тӧдмавны, мыйысь иудейяс мыжалӧны Павелӧс. Та вӧсна аскинас тшӧктіс разьны Павеллысь кӧртӧдъяссӧ да чукӧртны аркирейясӧс да став веськӧдлан котырсӧ. Сэсся петкӧдіс Павелӧс на водзӧ.

Ап. уджъяс 23:1

Павел сюся видзӧдліс веськӧдлан котыр вылӧ да шуис: «Вокъяс! Тайӧ лунӧдзыс ме пыр олі Ен водзын сӧстӧм сьӧлӧмӧн».

Ап. уджъяс 24:20

Тайӧ йӧзыс мед асьныс висьталасны, кутшӧм мыж найӧ аддзисны менсьым, кор ме сулалі веськӧдлан котыр водзын.

Ап. уджъяс 4:15

Сэсся апостолъяслы тшӧктісны петны, а ас костаныс пондісны сёрнитны:

Ап. уджъяс 5:21

Апостолъяс кывзысисны да асывводзнас мунісны крамӧ, сэні пондісны велӧдны. Сійӧ кадас аркирей аслас йӧзкӧд корис веськӧдлан котырӧс да Израиль войтырлысь юрнуӧдысьясӧс, сэсся найӧ тшӧктісны вайӧдны дзескыдінысь апостолъясӧс.

Ап. уджъяс 5:27

Апостолъясӧс вайӧдісны да сувтӧдісны веськӧдлан котыр водзӧ. Аркирей юаліс налысь:

Ап. уджъяс 6:12

Тадзи найӧ кыпӧдісны йӧзсӧ, юрнуӧдысьясӧс да Индӧдӧ велӧдысьясӧс Степанлы паныд. Сэсся босьтісны сійӧс да вайӧдісны веськӧдлан котыр водзӧ.

Ап. уджъяс 6:15

Веськӧдлан котырын пукалысьяс синсӧ вештывтӧг видзӧдісны Степан вылӧ, сылӧн чужӧмыс вӧлі анделлӧн кодь.

Ап. уджъяс 7:37

Ӧд буретш Мӧисей висьтавліс Израиль пиянлы: ”Господь, тіян Енныд, сувтӧдас вокъяс пӧвстсьыныд ме кодь Пророкӧс тіянлы. Кывзӧй Сійӧс”.

Римӧ 12:10

Радейтӧй ӧта-мӧднытӧ чой-вокӧс моз, пуктӧй ӧта-мӧднытӧ ассьыд вылӧджык.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

1 Коринфӧ 6:6

Мӧдарӧ, ті ӧта-мӧднытӧ мыжданныд да шыасянныд та могысь эскытӧмъяс дінӧ!

Индӧд 15:11

Тіян муын гӧль йӧзыс пыр лоасны, та вӧсна ме тшӧкта тіянлы лышкыда сетны гӧльяслы да коньӧръяслы, асланыд вокъяслы».

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Яков 2:20

Но кӧсъян-ӧ тӧдны, мывкыдтӧм мортӧй, мый уджъястӧм эскӧмыд – кулӧм эскӧм.

Яков 3:6

Миян кывным – тайӧ би. Миян вир-яйын сійӧ – лёк чукӧртанін, сійӧ пежалӧ дзоньнас вир-яйнымӧс. Ад бисянь ӧзйӧмӧн сійӧ сотӧ миянлысь став олӧмнымӧс.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

1 Иоан 2:9

Коді шуӧ, ме пӧ ветла югыдас, но мустӧмтӧ ассьыс воксӧ, сійӧ пемыдас на.

1 Иоан 3:10

Коді оз веськыда вӧч, коді мустӧмтӧ воксӧ, сійӧ абу Енсянь. Та серти тӧдмалам Енлысь ныв-писӧ да омӧльлысь йылӧмсӧ.

1 Иоан 5:16

Кор аддзан, мый вокыд мыжӧ усьӧма, но мыжыс оз вайӧд кулӧмӧ, кевмысь сы вӧсна. Ен сетас сылы олӧм, дерт, мыжыс кӧ оз кулӧмӧ вайӧд. Эм кулӧмӧ вайӧдысь мыж, но ме ог кор кевмысьны татшӧм мыжсӧ вӧчысь вӧсна.

Иуда 1:9

Кор Микаил архангел вензис омӧлькӧд Мӧисей шой йылысь, сійӧ эз лысьт лёкӧдны-мыждыны омӧльӧс. Сӧмын шуис: «Господь мед ӧлӧдас тэнӧ».

Восьтӧм 20:14

Кулӧмсӧ пыдӧстӧминыскӧд вӧлі шыбитӧма биа тыӧ. Тайӧ мӧд кулӧм.