Матвей 5:15 - Коми Библия 2023

¹⁵ Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ.

Матвей 5:15 Iomraidhean Croise

Петӧм 25:37

Вӧч сизим би доз, пукты найӧс бикок вылас, медым сетасны югыд.

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Лыд 8:2

«Тшӧкты Ааронлы пуктавны бикок вылӧ би дозъяссӧ сідз, мый сизимнан дозсянь югӧрыс усяс бикок водзвылӧ».

Марк 4:21

Исус висьталіс: «Ӧзтӧм битӧ ӧмӧй пыртлӧны керкаӧ, мед доз улӧ пуктыны либӧ лабич улӧ сувтӧдны? Оз ӧмӧй сійӧс бикок вылӧ пуктыны?

Лука 11:33

«Ӧзтӧм битӧ оз дзебны, оз пуктыны доз улӧ. Сійӧс пуктӧны бикок вылӧ, медым пырысьяс аддзисны югыдсӧ.

Лука 11:36

Тэнад кӧ став вир-яйыд югыдын, и весиг ӧти юкӧн абу пемыдын, сэки тэ ставнас пондан югъявны югдӧдысь би моз».

Лука 8:16

«Ӧзтӧм битӧ оз вевттьывны дозйӧн, оз сувтӧдны лабич улӧ. Сійӧс пуктӧны бикок вылӧ, медым пырысьяс аддзисны югыдсӧ.

Филипӧ 2:15

медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

Еврейяслы 9:2

Вежа чомйын вӧлі кык вежӧс. Воддза вежӧсас сулалісны бикок да пызан, а пызан вылас вӧлі вежа нянь. Тайӧ вежӧсыс шусис Вежаин.

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.