Матвей 5:12 - Коми Библия 2023

¹² Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Матвей 5:12 Iomraidhean Croise

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Ӧксыяслӧн 3 небӧг 18:13

Тэ ӧмӧй эн кывлы, менам ыджыдӧй, мый ме отсалі сё пророклы дзебсьыны, кор Езавель виаліс Господьлысь пророкъясӧс. Кык кырта горсйӧ ветымын мортӧн дзеби, верді-юкталі найӧс сэні.

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Ӧксыяслӧн 3 небӧг 19:2

Езавель мӧдӧдіс Илля дінӧ юӧртысьӧс, тшӧктіс висьтавны сылы: «[Тэ кӧ Илля, а ме Езавель, сідзкӧ] енъяс мед ёна мыждасны менӧ, ме кӧ аски тайӧ кадӧдзыс ог вӧч тэкӧд сійӧ, мый тэ вӧчин пророкъяскӧд».

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

Ӧксыяслӧн 4 небӧг 1:9

Ӧксы мӧдӧдіс Илля дінӧ ветымын тышкамортӧс налӧн веськӧдлыськӧд. Илля пукаліс керӧс йылын, кор тышкакотырӧн веськӧдлысь кайис сы дінӧ да шуис: «Енлӧн мортӧй! Ӧксы тшӧктӧ тэныд лэччыны».

2 Каднебӧг 16:10

Аса ёна скӧрмис пророк вылӧ да йӧртіс сійӧс дзескыдінӧ. Войтырысь ӧткымынӧс Аса тшӧтш дзескӧдіс сійӧ кадас.

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Шусьӧгъяс 11:18

Лёк вӧчысьлӧн удждоныс – ылӧг, а коді веськыдлун кӧдзӧ, вундас збыльсӧ.

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 26:8

Кор Еремей висьталіс ставсӧ, мый Господь тшӧктіс висьтавны войтырыслы, сэки попъяс, пророкъяс да войтырыс кутісны сійӧс да шуисны: «Тэ кулан!

Еремей 37:14

Еремей вочавидзис сылы: «Тайӧ ылӧг! Ме ог кӧсйы пышйыны на дінӧ». Но Ирей эз кывзы Еремейӧс, а босьтіс да вайӧдіс сійӧс юралысьяс дінӧ.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Лука 13:34

Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Лука 6:23

Налӧн батьясныс тадзи вӧчлісны пророкъяслы. Нимкодясьӧй да чеччалӧй долыда, ӧд ыджыд тырдон виччысьӧ тіянӧс енэжас.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Ап. уджъяс 16:25

Войшӧрнас Павел да Сила сьылісны да кевмысисны Енлы. Мукӧд пукалысьяс кывзісны найӧс.

Ап. уджъяс 5:41

Веськӧдлан котыр дінысь апостолъяс мунісны долыдпырысь, ӧд Господь Исуслӧн ним вӧсна найӧ шогмисны увтыртӧм туйӧ.

Римӧ 5:3

Сьӧкыдсӧ нуигӧн тшӧтш нимкодясям, ӧд тӧдам: сьӧкыдсӧ нуӧмыс чужтӧ зумыдлун,

1 Коринфӧ 3:8

Кӧдзысьыс да киськалысьыс ӧти удж вӧчӧны, но быдӧн на пиысь удждонсӧ уджыс серти босьтас.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Филипӧ 1:29

Ӧд Енмыс сетіс тіянлы эз сӧмын Кристослы эскыны, тшӧтш Сы понда сьӧкыдсӧ нуны

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

Колосӧ 3:24

Тӧдӧй, тіянлы вичмас Господьсянь тырдон, ӧд ті кесъяланныд Кристослы, асланыд Господьлы.

1 Фессалоникаӧ 2:15

Господь Исусӧс да Сылысь пророкъяссӧ иудейяс виисны, а миянӧс вӧтлісны. Найӧ дӧзмӧдӧны Енсӧ да став йӧзыслы паныд сувтӧны.

Еврейяслы 10:34

Кор ме пукалі дзескыдінын, ті нуинныд сьӧкыдсӧ мекӧд ӧтвыв. Тіянлысь эмбуртӧ мырддялігӧн ті нимкодясинныд, ӧд ті тӧдінныд, мый енэжас тіян эм ёна бурджык да бырлытӧм эмбур.

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Еврейяслы 11:33

Эскӧмӧн найӧ тышын босьтісны йӧз муяс, ставсӧ вӧчисны веськыда, сибӧдісны Енсянь кӧсйысьӧмасӧ, лӧньӧдісны левъясӧс,

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

Яков 5:10

Вокъяс, видзӧдӧй пророкъяс вылӧ, кодъяс сёрнитісны Господь нимсянь. Найӧ терпитӧмӧн нуисны сьӧкыдсӧ.

1 Петыр 4:13

Мӧдарӧ, нимкодясьӧй, ӧд ті тшӧтш нуанныд Кристослысь сьӧкыдсӧ. Сэки Кристослӧн дзирдлуныс воссигӧн ті кутанныд ёна нимкодясьны.

Руфа 2:12

Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».