Матвей 4:10 - Коми Библия 2023

¹⁰ Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Матвей 4:10 Iomraidhean Croise

1 Каднебӧг 21:1

Сӧтана кыпӧдчис Израильлы паныд да ыззьӧдіс Давидӧс артавны Израиль войтырлысь лыдсӧ.

Иов 1:12

Господь шуис сӧтаналы: «Ставыс, мый сылӧн ӧні эм, лоӧ тэнад киын, сӧмын сійӧс асьсӧ эн вӧрӧд». Та бӧрын сӧтана вешйис Господь водзысь.

Иов 1:6

Ӧтчыд Енлӧн пиян локтісны да сувтісны Господь водзӧ. Накӧд локтіс тшӧтш сӧтана.

Иов 2:1

Енлӧн пиян бара локтісны да сувтісны Господь водзӧ. Накӧд тшӧтш локтіс сӧтана да сувтіс Господь водзӧ.

Псалтыр 109:6

мыждас войтыръясӧс, тыртас мусӧ шойясӧн, разӧдас налысь юръяссӧ став му пасьтала.

Петӧм 23:25

Кесъялӧй Меным, асланыд Господь Енлы, и Ме бурсиа няньнытӧ [винанытӧ] да ванытӧ, вешта тіян пӧвстысь висьӧмъяс.

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Матвей 16:23

Бергӧдчӧмӧн Исус шуис Петырлы: «Вешйы Ме дінысь, сӧтана! Тэ Менӧ крукӧдан, ӧд тэнад мӧвпъясыд мортсянь, абу Енсянь».

Марк 1:13

Сэні нелямын лун чӧж сӧтана ыштӧдіс Сійӧс. Исус оліс зверъяс пӧвстын, Сылы кесъялісны анделъяс.

Лука 10:18

Исус шуис налы: «Ме аддзылі сӧтаналысь чардби моз енэжсянь усьӧмсӧ.

Лука 11:18

Сӧтанаыс кӧ аслыс паныд тышкасьӧ, дыр-ӧ кутчысяс сылӧн ыджыдалӧмыс? Менӧ ті мыжаланныд пеж ловъясӧс Вельзевул вынӧн вӧтлӧмысь.

Лука 13:16

Ӧвраамлысь тайӧ нывсӧ сӧтана кӧрталӧмӧн кутіс дас кӧкъямыс во чӧж. Эз ӧмӧй ков мездыны сійӧс шойччан лунӧ?»

Лука 22:3

Сӧтана пырис Искариот Иуда пытшкӧ, сійӧ вӧлі дас кык велӧдчысьысь ӧти.

Лука 22:31

Господь шуис: «Кылан, Симон! Сӧтана корис шердйыны тіянӧс шобдіӧс моз.

Лука 4:8

Исус вочавидзис: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Иоан 13:27

Тайӧ няньтор бӧрас Иуда пытшкӧ пырис сӧтана. Исус шуис Иудалы: «Мый кӧсъян вӧчны, вӧч ӧдйӧджык».

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Ап. уджъяс 5:3

Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

1 Коринфӧ 7:5

Энӧ ылыстчӧй ӧта-мӧдсьыныд, а ылыстчанныд кӧ, вӧчӧй тайӧс сёрнитчӧмӧн, сӧмын кутшӧмкӧ кад кежлӧ, медым сэки ёнджыка на верминныд видзавны да кевмысьны. Сэсся бӧр ӧтлаын лоӧй, медым сӧтана эз ыштӧд тіянӧс кутчысьтӧм вӧснаныд.

2 Коринфӧ 11:14

Но тайӧ абу шензьӧданатор, ӧд ачыс сӧтана петкӧдлӧ асьсӧ югыдыслӧн анделӧн.

2 Коринфӧ 12:7

Медым тайӧ ыджыд восьтӧмъясысь эг вылӧ кыпӧдчы, менам вир-яйӧ сетӧма чушкысьӧс – сӧтаналысь анделсӧ. Сійӧ дойдалӧ менӧ, оз сет вылӧ кыпӧдчынысӧ.

2 Коринфӧ 2:11

медым сӧтана эз ылӧдлы миянӧс, ми ӧд тӧдам сылысь наян мӧвпъяссӧ.

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Яков 4:7

Сідзкӧ, сетчӧй Енмыслы, паныд сувтӧй омӧльыслы, и сійӧ пышъяс тіян дінысь.

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.

1 Петыр 5:9

Сувтӧй сылы паныд зумыд эскӧмӧн. Тӧдӧй, мый став му пасьталаыс вокъясныд тіян моз тшӧтш нуӧны сьӧкыдсӧ.

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».