Матвей 3:11 - Коми Библия 2023

¹¹ Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Матвей 3:11 Iomraidhean Croise

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Матвей 3:6

Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Марк 1:4

Локтіс Иоан. Сійӧ пыртіс йӧзӧс овтӧминын да юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ».

Лука 1:17

Сійӧ мунас Господь водзын Илля лов-вынӧн, бергӧдас батьяслысь сьӧлӧмсӧ ныв-пиланьыс, кывзысьтӧмъясӧс – веськыда олысьлӧн мывкыдлунӧ, медым дасьтыны войтырсӧ Господьлы».

Лука 3:16

Иоан шуис налы: «Ме пырта тіянӧс ваӧн, но локтӧ меысь вынаджык, ме ог шогмы разьны Сылысь кӧмкот кӧвсӧ. Сійӧ пыртас тіянӧс Вежа Лолӧн да биӧн.

Лука 3:3

Йӧрдан юдорса муясӧд ветлӧдлігӧн Иоан юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ».

Иоан 1:15

Иоан гораа юӧртліс Сы йылысь: «Тайӧ дзик сійӧ Мортыс, код йылысь ме висьтавлі, мый ме бӧрся Локтысьыс меысь ыджыдджык, ӧд Сійӧ меысь водзджык вӧлӧма».

Иоан 1:30

Сы йылысь ме висьтавлі нин, мый ме бӧрся локтӧ Морт, коді меысь ыджыдджык, ӧд Сійӧ меысь водзджык вӧлӧма.

Ап. уджъяс 1:5

Иоан пыртіс ваӧн, но кымынкӧ лун мысти тіянӧс лоӧ пыртӧма Вежа Лолӧн».

Ап. уджъяс 19:4

Павел шуис: «Иоан пыртіс найӧс, кодъяс бергӧдчисны мыжъяссьыныс, да висьталіс, медым эскасны сы бӧрся Локтысьлы, Исус Кристослы».

Ап. уджъяс 8:36

Сэккості найӧ воисны вадорӧ, евнук шуис: «Со ваыс. Мый менӧ кутӧ пыртчӧмысь?»

Ап. уджъяс 8:38

Сэсся тшӧктіс сувтӧдны тарантассӧ да найӧ кыкнанныс пырисны ваӧ. Филип пыртіс сійӧс.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.