Матвей 26:53 - Коми Библия 2023

⁵³ Он ӧмӧй тӧд, Ме кӧ ӧні кора Батьӧйлысь, Сійӧ мӧдӧдас уна дас сюрс анделӧс.

Матвей 26:53 Iomraidhean Croise

Ӧксыяслӧн 4 небӧг 6:17

Сэсся Елисей кевмысис: «Господьӧй, восьт менам кесйӧглысь синсӧ, мед сійӧ аддзас». Господь восьтіс кесйӧглысь синсӧ, и мӧдыс аддзис, мый Елисей гӧгӧр керӧс пасьтала сулалӧны биа вӧвъяс да тарантасъяс.

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Матвей 4:11

Сэки омӧль эновтіс Исусӧс. Сэсся воисны анделъяс да кесъялісны Исуслы.

Марк 5:15

Найӧ локтісны Исус дінӧ да аддзисны коркӧя пеж лолӧн кутӧм мортӧс, код пытшкысь петіс дзонь легион. Сійӧ вӧлі ас вежӧрас, пукаліс сэні паськӧма. Йӧзыс ёна повзисны.

Марк 5:9

Исус юаліс сылысь: «Мый тэнад нимыд?» Сійӧ вочавидзис: «Легион менам нимӧй, ми ӧд унаӧнӧсь».

Лука 8:30

Исус юаліс сылысь: «Мый тэнад нимыд?» Сійӧ вочавидзис: «Легион», ӧд сы пытшкын вӧлі уна пеж лов.

Иоан 10:18

Менсьым олӧмӧс некод оз вермы мырддьыны, Ме Ачым сета сійӧс. Ме верма сетны сійӧс, и верма бӧр босьтны. Тадзи тшӧктіс вӧчны Менам Батьӧй».

Иоан 18:36

Исус вочавидзис: «Менам Юралӧмӧй абу тайӧ муюгыдсьыс. Вӧлі кӧ тадзи, Менам кесъялысьясӧй эськӧ тышкасисны Ме вӧсна, медым эг шед иудейяслӧн киӧ. Но Менам Юралӧмӧй абу татысь».

2 Фессалоникаӧ 1:7

А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

Иуда 1:14

Тайӧ йӧзыс йылысь водзвыв висьтавліс Енок, Адамсянь сизимӧд чужанвужйысь петысь: «Со, локтӧ Господь Аслас лыдтӧм-тшӧттӧм вежа анделъяскӧд,