Матвей 24:39 - Коми Библия 2023

³⁹ Кытчӧдз эз су найӧс ойдӧмыс да ваӧ пӧдӧмыс, найӧ эз вежӧртны, мый виччысьӧ найӧс. Тадзи жӧ лоас Морт Пи локтігӧн.

Матвей 24:39 Iomraidhean Croise

Олӧм 7:23

Йӧзӧс, пемӧсъясӧс, гаг-веглясьысьясӧс да енэжвыв лэбачьясӧс – став ловъя олысьсӧ лои бырӧдӧма му вылысь. Ловйӧн колины сӧмын Ной да найӧ, кодъяс пырисны сыкӧд ковчегӧ.

Шусьӧгъяс 23:35

Тэ шуан: «Нӧйтісны менӧ, а меным эз доймы, кучкалісны менӧ, но ме эг кывлы. Паляла да, бара тайӧс понда корсьны».

Шусьӧгъяс 24:12

Тэ шуан: «Ме нинӧм ог тӧд та йылысь», но Енмыс тӧдмалӧ сьӧлӧмъяс. Сійӧ видзӧ тэнсьыд олӧмтӧ да тӧдӧ тэнӧ, Сійӧ мынтысяс быдӧнлы уджъясыс серти.

Шусьӧгъяс 29:7

Веськыда олысьыд гӧль мортлысь ёрдӧ вайӧм венсӧ тӧдмалӧ-туялӧ, а лёк вӧчысьлы тайӧ веськодь.

Исай 42:25

Та вӧсна Господь кисьтіс на вылӧ Ассьыс скӧрлунсӧ да ярлунсӧ – пансис чорыд тыш. Тайӧ биыс чишкаліс найӧс быд боксянь, но найӧ эз гӧгӧрвоны тайӧс, биыс сотіс найӧс, но найӧ нинӧмӧ эз велавны.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 24:3

Кор Исус вӧлі пукалӧ Олив керӧсын, Сы дінӧ локтісны велӧдчысьясыс да юалісны: «Висьтав, кор ставыс тайӧ лоас? Мый серти ми тӧдмалам Тэнсьыд локтӧмтӧ да нэм помасьӧмсӧ?»

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Матвей 24:37

Кыдзи вӧлі Ной лунъяс дырйи, сідзи лоӧ Морт Пи локтігӧн.

Матвей 24:40

Сэки видз-му вылын лоасны кыкӧн: ӧтисӧ босьтасны, мӧдсӧ колясны.

Лука 19:44

Тэнӧ жугӧдасны дзоньнас, олысьястӧ виаласны – из вылӧ из оз кольны, ӧд тэ эн кӧсйы тӧдны тэ дінӧ Енлысь волӧмсӧ».

Иоан 3:20

Лёксӧ вӧчысь мустӧмтӧ югыдсӧ. Сійӧ оз лок югыдас, медым сылӧн лёк уджъясыс эз йӧзасьны.

Ап. уджъяс 13:41

– Видзӧдӧй, сералысьяс, да шензьӧй, тіянӧс лоӧ бырӧдӧма! Тіян олан лунъясӧ Ме вӧча сэтшӧмтор, мый тіянлы кӧ висьталасны та йылысь, ті онӧ эскӧй».

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

2 Петыр 3:5

Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн,

Ёрдысьяс 20:34

Гива кар вылӧ уськӧдчис дас сюрс медбур тышкаморт, кодъяс вӧліны став Израиль му пасьталаысь. Тышыс вӧлі вывті ёсь. Веняминсянь чужысьяс эз виччысьны, мый найӧс суас ыджыд шог.