Матвей 24:21 - Коми Библия 2023

²¹ Сэки ыджыд шог суас йӧзсӧ, татшӧмыс му пуксьӧмсяньыс эз на вӧвлы да оз нин ло.

Матвей 24:21 Iomraidhean Croise

Езекиль 5:9

Став тэнад пеж уджъяссьыд Ме мыжда тэнӧ сідзи, кыдзи некор на эг мыждыв. И водзӧ тадзисӧ Ме ог вӧч.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Йоиль 1:2

– Кывзӧй, юрнуӧдысьяс, кывзӧй, тайӧ муас олысьяс! Вӧлі-ӧ татшӧмторйыс тіян олан лунъясӧ либӧ батьясныдлӧн олігӧн?

Йоиль 2:2

Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 24:20

Кевмысьӧй, мед эз ковмы пышйынытӧ тӧлын либӧ шойччан лунӧ.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Марк 13:9

Видзӧдӧй ас бӧрсяныд. Тіянӧс кыскасны ёрдӧ да нӧйтасны синагогаясын. Ме вӧсна тіянӧс нуӧдасны юралысьяс да ӧксыяс водзӧ, медым найӧ тӧдісны Ме йылысь.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

1 Фессалоникаӧ 2:16

Найӧ оз лэдзны миянлы бурвисьтавлыны ентӧдтӧмъяслы, медым найӧ мездмисны. Тадзи найӧ содтӧны ассьыныс мыжъяссӧ. Но Енлӧн скӧрлуныс суис нин найӧс.

Восьтӧм 16:18

Сэсся кутіс чардавны-гымавны, кылісны гора шыяс, и муыс кутіс ёна вӧрны. Олӧм пуксьӧмсяньыс та ыджда му вӧрӧмыс некор на эз вӧвлы!

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.