Матвей 23:4 - Коми Библия 2023

⁴ Найӧ кӧртавлӧны сьӧкыд, нуны вермытӧм нӧбъяс да пуктӧны йӧзлы пельпом вылас. Но асьныс весиг чунь помнас вӧрзьӧдны оз кӧсйыны.

Матвей 23:4 Iomraidhean Croise

Исай 46:1

Усис Вил, муас усис Нево, тайӧ идолъяссӧ кыскӧны ас выланыс мудзӧм пемӧсъяс, бӧлбанъясныд сьӧктӧдӧны найӧс.

Матвей 23:23

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сетанныд исань турунысь, укропысь да тминысь дасӧд юкӧнсӧ. А Индӧдысь коланаджыкторсӧ эновтінныд: веськыда мыждӧмсӧ, буралӧмсӧ да эскӧмсӧ. Тайӧс колӧ вӧчны да мукӧдторсӧ оз ков вунӧдны.

Матвей 23:3

Кывзӧй найӧс да вӧчӧй ставсӧ налӧн шуӧм серти. Сӧмын на ног энӧ олӧй: найӧ ӧтитор шуӧны, а мӧдтор вӧчӧны.

Лука 11:46

Исус воча шуис: «Курыд шог тшӧтш тіянлы, Индӧдӧ велӧдысьяс! Ті пуктанныд йӧзлы пельпом вылас нуны вермытӧм нӧбъяс, но асьныд весиг чунь помнад онӧ отсалӧй налы.

Ап. уджъяс 15:10

Мыйла нӧ ті ӧні дӧзмӧданныд Енсӧ, кӧсъянныд сийӧсавны велӧдчысьясӧс? Тайӧ сийӧссӧ миян батьяс дай ми эгӧ вермӧй новлӧдлынысӧ.

Ап. уджъяс 15:28

Вежа Лов да ми тшӧтш огӧ кӧсйӧй сьӧктӧдны тіянӧс, тшӧктам вӧчны сӧмын коланасӧ.

Галатӧ 6:13

Ӧд вундыштчӧмаяс асьныс оз овны Индӧд сертиыс. Тіян вундыштчӧмныд налы сӧмын помка ошйысьны.

1 Иоан 5:3

Тшӧктӧмъяс серти олӧмыс – тайӧ Енсӧ радейтӧм, а Сылӧн тшӧктӧмъясыс абу сьӧкыдӧсь.

Восьтӧм 2:24

Тіянлы да фиатираса мукӧд олысьяслы, кодъяс эз сетчыны Езавельлӧн велӧдӧмӧ да эз пырӧдчыны сідз шусяна ”сӧтаналӧн гуся велӧдӧмӧ”, Ме висьтала со мый: ог сьӧктӧд тіянӧс мукӧд тшӧктӧмъясӧн.