Матвей 21:17 - Коми Библия 2023

¹⁷ Сэсся Исус эновтіс найӧс, петіс карсьыс да муніс вой кежлас Вифания сиктӧ.

Матвей 21:17 Iomraidhean Croise

Еремей 6:8

Вежӧрсяв, Ерусалим, медым Ме эг бергӧдчы тэысь, медым Ме эг вӧч тэнӧ овтӧминӧн, сэтшӧм муӧн, кӧні некод оз ов.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Матвей 16:4

Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс». Сэсся Исус колис найӧс да муніс сэтысь.

Матвей 26:6

Исус вӧлі Вифания сиктын, проказаысь бурдӧм Симон ордын.

Марк 11:1

Ерусалимлань матыстчигӧн Исус велӧдчысьясыскӧд воис Олив керӧсын сулалысь Виффагия да Вифания сиктъяс дорӧ. Ассьыс кык велӧдчысьсӧ мӧдӧдігӧн

Марк 11:11

Ерусалимӧ воӧм мысти Исус пырис крамӧ. Ставсӧ видзӧдалӧм бӧрын сёр рытнас муніс дас кыкнан велӧдчысьыскӧд Вифанияӧ.

Марк 11:19

Рытнас Исус петіс карсьыс.

Марк 14:3

Исус вӧлі Вифания сиктын, проказаысь бурдӧм Симон ордын. Сёйиганыс сэтчӧ локтіс ань, сійӧ вайис вальді дозйын зэв дона нард вый. Ань жугӧдіс дозсӧ да кисьталіс выйсӧ Исуслы юр вылас.

Марк 3:7

Исус муніс велӧдчысьясыскӧд ты дорӧ. Сы бӧрся муніс унасьыс-уна йӧз. Найӧ вӧліны Галилеяысь, Иудеяысь,

Лука 10:38

Исус велӧдчысьясыскӧд муніс водзӧ да пырис ӧти сиктӧ. Сэні Марпа нима ань корис Исусӧс гортас.

Лука 19:29

Сійӧ воис Олив керӧсын сулалысь Виффагия да Вифания сиктъяс дорӧ. Ассьыс кык велӧдчысьсӧ мӧдӧдігӧн

Лука 24:50

Исус петкӧдіс велӧдчысьяссӧ карсьыс, нуӧдіс Вифаниялань, сэсся кисӧ лэптӧмӧн бурсиис найӧс.

Иоан 11:1

Вифания сиктын оліс Лазар нима морт, сійӧ висис. Сэні олісны тшӧтш Лазарлӧн Марья да Марпа чойясыс.

Иоан 11:18

Вифания сикт вӧлі Ерусалимсянь матын, кык-куим верст ылнаын.