Матвей 20:22 - Коми Библия 2023

²² Исус шуис: «Онӧ тӧдӧй, мый коранныд. Верманныд-ӧ юны Меным дасьтӧм чашасӧ да Менам пыртчӧмӧн пыртчыны?» Найӧ вочавидзисны: «Вермам».

Матвей 20:22 Iomraidhean Croise

Псалтыр 75:3

Сылӧн оланіныс Салимын, Сійӧ олӧ Сионын.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Исай 51:22

Тэнад Ыджыдыд, Господь Енмыд, коді дорйӧ Ассьыс войтырсӧ, тадзи висьталӧ: – Со, Ме босьта тэнад киысь чашасӧ, Ассьым скӧрлуна дозйӧс. Сэтысь юӧмысь тэ довъялін, но водзӧ сэтысь он нин кут юны.

Еремей 49:12

Господь тадзи висьталӧ: «Тайӧ чашасьыс кутасны юны весиг найӧ, кодъясӧс абу мыждӧма сэтысь юны. Эдом, тэ ӧмӧй мыждытӧг колян? Он коль, тэныд ковмас юны тайӧ чашасьыс.

Матвей 26:35

Петыр шуис: «Весиг кӧ кувны ковмас Тэкӧд, ог соссьы». Тадзи шуалісны тшӧтш мукӧд велӧдчысьыс.

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Матвей 26:56

Ставыс тадзи лои, медым инісны пророк гижӧдъяс». Сэки велӧдчысьяс ставныс эновтісны Исусӧс да пышйисны.

Марк 14:36

Сійӧ шуаліс: «Авва, Батьӧй! Тэныд ставыс вермана. Вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Лука 12:50

Пыртчӧмӧн колӧ Меным пыртчыны, и Ме ёна сьӧкыдала, кытчӧдз тайӧ оз ло.

Лука 22:42

«Батьӧй, кӧсъян кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Иоан 18:11

Исус шуис Петырлы: «Бӧр сюй шыпурттӧ пуртӧсас. Тайӧ чашаыс Меным Батьсянь. Ме ӧмӧй ог ю сійӧс?»

Римӧ 8:26

Жеблун дырйиным Лолыс отсалӧ миянлы. Ми весиг огӧ тӧдӧй, мый йылысь да кыдзи колӧ кевмысьнысӧ, но Ачыс Лолыс ышлолалӧмӧн кывъяс шутӧг кевмысьӧ миян вӧсна.

Яков 4:3

А коранныд кӧ, тіянлы оз ло сетӧма, ӧд ті онӧ бур вылӧ корӧй. Ті кӧсъянныд могмӧдны сӧмын ассьыныд ыштӧмтӧ.