Матвей 2:23 - Коми Библия 2023

²³ Сэтчӧ воӧм бӧрын найӧ овмӧдчисны Назарет карӧ. Тадзи иніс пророкъяс пыр шуӧмыс, мый Сійӧс шуасны Назаретсаӧн.

Матвей 2:23 Iomraidhean Croise

Лыд 6:13

Назореялан кад йылысь индӧдыс татшӧм. Кор назореялан лунъясыс помасясны, назорейӧс колӧ вайӧдны вежа чом пыранін дорӧ.

Матвей 1:22

Ставыс тадзи лои, медым иніс пророк пыр Господьлӧн шуӧмыс:

Матвей 21:11

Йӧзыс шуалісны: «Тайӧ Исус, галилеяса Назарет карысь Пророк».

Матвей 26:71

сэсся вешйис дзиръя дорӧ. Петырӧс казяліс мӧд ань да шуис сэні сулалысьяслы: «Тайӧ мортыс Назаретса Исускӧд вӧлі».

Марк 1:24

«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!»

Марк 1:9

Сійӧ лунъясӧ локтіс Назаретысь, галилеяса карысь, Исус. Иоан пыртіс Сійӧс Йӧрдан юын.

Лука 1:26

Елизаветалӧн нӧбасигас квайтӧд тӧлысьнас Ен мӧдӧдіс Гавриил анделӧс Назаретӧ, галилеяса карӧ,

Лука 18:37

Сылы висьталісны, Назаретса Исус пӧ локтӧ.

Лука 2:39

Господьлӧн Индӧд серти ставсӧ вӧчӧм бӧрын Ӧсип да Мария бӧр мунісны Галилеяӧ, асланыс Назарет карӧ.

Иоан 18:5

Сылы вочавидзисны: «Назаретса Исусӧс». Исус шуис: «Тайӧ Ме». Накӧд орччӧн сулаліс тшӧтш Иуда, Исусӧс вузалысь.

Иоан 18:7

Исус бара юаліс: «Кодӧс ті корсянныд?» Найӧ вочавидзисны: «Назаретса Исусӧс».

Иоан 19:19

Пӧвтор вылӧ Пилат тшӧктіс гижны: «Назаретса Исус, иудейяслӧн Ӧксы». Гижӧдсӧ ӧшӧдісны крест вылас.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

Ёрдысьяс 13:5

ӧд тэ сьӧктан да чужтан пиӧс, коді мам кынӧмсяньыс лоӧ Енлы торйӧдӧм назорей. Сылысь юрсисӧ шырны оз позь. Сійӧ сувтас мездыны Израильӧс филистимсаяслӧн киысь».

Ӧксыяслӧн 1 небӧг 1:11

Анна кыв сетіс Сылы: «Господь Саваоф, [Ставсӧвермысь Енмӧй,] эн вунӧд менӧ, Ассьыд кесйӧгтӧ! Видзӧдлы менам шогсьӧм вылӧ, казьтышт менӧ! Господьӧй, сетан кӧ меным пиӧс, ме сета сійӧс Тэныд пыр кежлӧ. Сійӧ [вина-сур оз кут юны,] юрсисӧ некор оз шыр».