Матвей 2:16 - Коми Библия 2023

¹⁶ Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Матвей 2:16 Iomraidhean Croise

Олӧм 39:14

Ань чукӧстіс кесйӧгъяссӧ: «Видзӧдлӧй, верӧсӧй босьтіс еврейӧс, а ӧні сійӧ тешитчӧ миян вылын. Сійӧ локтіс ме дінӧ, кӧсйис узьны мекӧд, но ме куті горзыны,

Олӧм 39:17

Сэсся висьталіс верӧсыслы: «Еврей кесйӧгыд, кодӧс тэ вайӧдін миян ордӧ, воліс менӧ янӧдны. [Шуис меным, вода пӧ тэкӧд.]

Олӧм 49:7

Ёрӧма налысь скӧрлунсӧ, ӧд сійӧ вывті чорыд, ёрӧма налысь ярлунсӧ, ӧд сійӧ звер кодь лёк. Яков пиян пӧвстӧ найӧс шыблала, Израиль чужанкотыръясӧ разӧда.

Ӧксыяслӧн 4 небӧг 8:12

«Ыджыдӧй, мыйла тэ бӧрдан?» – юаліс Азаил. Елисей вочавидзис: «Ме тӧда, мыйта лёксӧ тэ вӧчан Израиль войтырлы. Налысь изкаръяссӧ тэ сотан, том зонъяссӧ шыпуртӧн бытшйӧдлан, ичӧт кагаяссӧ муас лясйӧдлан, нӧбасьысь аньяслысь кынӧмсӧ вожӧдан».

Иов 12:4

Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Шусьӧгъяс 28:15

Эргысь лев да тшыг ош – татшӧм лёк юралысь гӧль войтырлы.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Даниил 3:13

Навукодоносор ӧксы ёна скӧрмис да тшӧктіс вайӧдны ас дінас Шадракӧс, Мешакӧс да Аведнегоӧс, и найӧс вайӧдісны сы дінӧ.

Осий 10:14

Тэнад войтыр пӧвстын кыптас шызьӧм, став тэнсьыд изкаръястӧ лоӧ бырӧдӧма, кыдзи тыш дырйи Шалман бырӧдіс Бет-Арбел. Сэні вӧлі виӧма мамъясӧс челядьныскӧд.

Лыд 22:29

Валаам шуис осёлыслы: «Тэ менӧ йӧй туйӧ пуктін. Вӧлі кӧ менам шыпурт, ме эськӧ дзик ӧні вии тэнӧ!»

Лыд 24:10

Валак скӧрмис Валаам вылӧ, кинас швачкӧмӧн шуис: «Ме кори тэнӧ ёрны ассьым вӧрӧгӧс, а тэ куимысь нин бурсиин найӧс!

Матвей 2:1

Исус чужис Иудея муын, Виплием карын, Ирӧд ӧксы веськӧдлан кадӧ. Исуслӧн чужӧм мысти асыввылысь Ерусалим карӧ воисны кодзув тӧдысьяс.

Матвей 2:17

Тадзи иніс Еремей пророклӧн шуӧмыс:

Матвей 2:7

Ирӧд ас дінас гусьӧн корис тӧдысьясӧс да юаліс налысь кодзув петан кадсӧ.

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Ёрдысьяс 16:10

Далида шуис Самсонлы: «Тэ менӧ ылӧдлін, менӧ пӧръялін. Висьтав меным, мыйӧн тэнӧ позьӧ кӧртавны».