Матвей 19:7 - Коми Библия 2023

⁷ Фарисейяс шуисны: «Мыйла нӧ Мӧисей тшӧктіс гӧтыртӧ эновтігӧн сетны сылы торйӧдчан гижӧд?»

Матвей 19:7 Iomraidhean Croise

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Еремей 3:8

Израиль войтыр эновтіс Менӧ. Тадзи найӧ пежалісны йитӧдӧс, мый Ме кӧрталі накӧд. Та вӧсна Ме сеті Израиль войтырлы торйӧдчан гижӧд да вӧтлі сійӧс Ас дінысь. Ме аддзылі, мый та вылӧ видзӧдтӧг Иуда, сылӧн ылӧдчысь чойыс, эз повзьы, но ачыс кырсалысь ань моз тшӧтш сетчис мукӧд енъяслы.

Малакий 2:16

Ме мустӧмта, кор эновтӧны, – шуӧ Господь, Израильлӧн Ен. Гӧтырсӧ эновтысь мыжмӧ вир кисьтысь моз, – висьталӧ Господь Саваоф. – Та вӧсна видзӧй ловнытӧ, энӧ эновтӧй гӧтырнытӧ.

Матвей 1:19

Ӧсип вӧлі веськыда олысь морт. Сійӧ эз кӧсйы йӧзӧдны Марияӧс, та вӧсна шуис гусьӧн лэдзны сійӧс.

Матвей 19:6

Сідзкӧ, найӧ абу нин кык, а ӧти вир-яй. Мый Енмыс йитӧма, морт мед оз торйӧд».

Матвей 19:8

Исус вочавидзис: «Чорыд сьӧлӧмныд вӧсна Мӧисей лэдзис тіянлы эновтны гӧтыръяснытӧ. Водзынсӧ эз вӧв тадзи.

Матвей 5:31

Нӧшта шуӧма: ”Гӧтырсӧ эновтысь мед сетас сылы торйӧдчан гижӧд”.

Марк 10:4

Найӧ вочавидзисны: «Мӧисей лэдзис верӧслы эновтны гӧтырсӧ, сӧмын верӧсыслы колӧ вӧлі сетны гӧтырыслы торйӧдчан гижӧд».