Матвей 19:5 - Коми Библия 2023

⁵ Ен шуис: ”Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй”.

Матвей 19:5 Iomraidhean Croise

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

Ӧксыяслӧн 2 небӧг 1:26

Ёна шогся тэ вӧсна, Ионафан вокӧй. Тэ вӧлін меным вывті муса, тэнад муслуныд вӧлі меным аньлӧн муслун дорысь на донаджык.

Ӧксыяслӧн 3 небӧг 11:2

войтыръясысь, кодъяс йылысь Господь шуліс Израиль войтырлы: «Энӧ рӧдвужасьӧй накӧд, медым найӧ эз кежӧдны тіянӧс асланыс енъяс дорӧ». Но Соломонлы мусаӧсь вӧліны тайӧ аньясыс.

Псалтыр 45:10

Став му пасьтала Сійӧ дугӧдіс тышъяс, чегъяліс ньӧввужъяс да шыяс, биын сотіс тарантасъяс.

Псалтыр 63:8

Но Енмыс лыйлас найӧс ньӧвйӧн, найӧс виччысьтӧг лоӧ дойдалӧма.

Малакий 2:15

Тадзи оз вӧч сійӧ, код пытшкын Енлӧн лолыс. Мый сійӧ корсьӧ? Медым вӧліны Енсянь чужысьяс. Сідзкӧ, видзӧй ловнытӧ, энӧ эновтӧй том кадӧ босьтӧм гӧтырнытӧ.

Матвей 19:6

Сідзкӧ, найӧ абу нин кык, а ӧти вир-яй. Мый Енмыс йитӧма, морт мед оз торйӧд».

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

1 Коринфӧ 6:16

Ті ӧд тӧданныд, мый кырсалысь анькӧд ӧтувтчысь лоӧ сыкӧд ӧти вир-яй. Гижӧма: «Кыкыс лоӧ ӧти вир-яй».

1 Коринфӧ 7:2

но медым некод эз кырсав, быд мортлӧн мед лоӧ аслас гӧтыр да быд аньлӧн – аслас верӧс.

1 Коринфӧ 7:4

Абу гӧтыр аслас вир-яй вылын ыджыдыс, а верӧс. Абу верӧс аслас вир-яй вылын ыджыдыс, а гӧтыр.

Ефесӧ 5:31

Гижӧдыс висьталӧ: «Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй».

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 11:22

Кутанныд кӧ овны тіянлы сетӧм тшӧктӧмъяс серти, радейтны Господьӧс, ассьыныд Ентӧ, ветлыны Сылӧн туйясӧд да кутчысьны Сы дінӧ,

Индӧд 4:4

А ті, кодъяс кутчысинныд Господь Енныд дінӧ, ӧніӧдз ловъяӧсь.

Ӧксыяслӧн 1 небӧг 18:1

Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз.

Ӧксыяслӧн 1 небӧг 25:43

Давид нӧшта босьтіс гӧтырӧ Изреельысь Ахиноамаӧс. Тадзи сылӧн лои кык гӧтыр.