Матвей 19:16 - Коми Библия 2023

¹⁶ Ӧти морт локтіс Исус дінӧ да юаліс: «Бур Велӧдысьӧй, кутшӧм буртор меным колӧ вӧчны, мед менам вӧлі помтӧм олӧм?»

Матвей 19:16 Iomraidhean Croise

Даниил 12:2

Сэки гуалӧмаяс пӧвстысь унаӧн ловзясны: ӧтияс – помтӧм олӧм вылӧ, мӧдъяс – янӧдӧм да помтӧм мустӧмтӧм вылӧ.

Матвей 19:15

Исус пуктыліс на вылӧ кисӧ, сэсся муніс сэтысь.

Матвей 19:26

На вылӧ видзӧдлӧмӧн Исус шуис: «Мортлы тайӧ вермытӧмтор, но Енмыслы ставыс вермана».

Матвей 19:29

Коді Менам ним вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ да видз-мусӧ, сылы сё пӧвстӧн бӧр воас, нӧшта помтӧм олӧм сылы вичмас.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Иоан 12:25

Тэныд кӧ муса олӧмыд, воштан сійӧс. Мустӧмтан кӧ ассьыд олӧмтӧ тайӧ муюгыдас, видзан сійӧс помтӧм олӧмӧ.

Иоан 3:15

медым Сылы эскысь эз вош, а помтӧг оліс.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Иоан 6:47

Веськыда, веськыда висьтала тіянлы: Меным эскысьлӧн эм помтӧм олӧм.

Иоан 6:68

Симон-Петыр вочавидзис: «Господьӧй, код дінӧ миянлы муннысӧ? Ӧд Тэнад кывъясыд сетӧны помтӧм олӧмсӧ.

Ап. уджъяс 16:30

Сэсся петкӧдіс найӧс ортсӧ да шуис: «Бур йӧзӧй, мый меным вӧчны, мед мездмыны?»

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Римӧ 5:21

Кыдзи мыжыс ыджыдаліс да кыскис кулӧмас, тадзи буралӧмыс тшӧтш ыджыдалӧ веськыдлуннас да вайӧдӧ миянӧс Исус Кристос Господьным пыр помтӧм олӧмас.

1 Тимофейлы 1:16

Енмыс вӧлі бур сьӧлӧма ме дінӧ, медым ме пыр, медся мыжаыслӧн олӧм пыр, Исус Кристос петкӧдліс Ассьыс терпитӧмсӧ налы, кодъяс эскасны Сылы да босьтасны помтӧм олӧмсӧ.

1 Тимофейлы 6:12

Зумыда вермась эскӧм вӧсна, кутчысь помтӧм олӧмас, кытчӧ Енмыс корис тэнӧ. Ӧд уна йӧз водзын тэ восьсӧн висьтасин аслад эскӧм йылысь.

1 Тимофейлы 6:19

Тадзи вӧчигӧн найӧ чукӧртӧны аслыныс озырлун – локтанаыслы зумыд подув, медым налы вичмис помтӧм олӧм.

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Титлы 3:7

медым Сылӧн буралӧмсянь ми лоим веськыдӧсь да миянлы вичмис помтӧм олӧм. Тайӧ и эм миян лачаным.

1 Иоан 1:2

Олӧмыс петкӧдчис, и ми аддзылім Сійӧс. Ӧні висьталам Сы йылысь, юӧртам тіянлы помтӧм Олӧмыс йылысь. Сійӧ вӧлі Батьыскӧд, ӧні Сійӧс восьтӧма миянлы.

1 Иоан 2:25

А Пиыс кӧсйысис сетны миянлы помтӧм олӧм.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Иуда 1:21

Видзӧй асьнытӧ Ен муслунас. Виччысьӧй сійӧ кадсӧ, кор миян Господь Исус Кристос Аслас буралӧмнас вайӧдас миянӧс помтӧм олӧмӧ.