Матвей 18:24 - Коми Библия 2023

²⁴ Арталігас вайӧдісны ӧксы водзӧ кесйӧгӧс, кодлӧн уджйӧзыс вӧлі дас сюрс талант.

Матвей 18:24 Iomraidhean Croise

Олӧм 44:10

«Бур, – шуис сійӧ. – Мед лоас тадзи. Но меным кесйӧгнас лоас сӧмын сійӧ, кодлысь аддза дозмуксӧ. Мукӧдсӧ ог мыжды».

1 Каднебӧг 29:7

Енлысь крамсӧ лэптӧм вылӧ найӧ сетісны вит сюрс талант зарни да дас сюрс зарни дарик, дас сюрс талант эзысь, дас кӧкъямыс сюрс талант ыргӧн да сё сюрс талант кӧрт.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Псалтыр 38:4

Менам сьӧлӧмӧй пондіс сотчыны, мӧвпъясӧй кутісны ыпъявны, сэки ме понді сёрнитны.

Псалтыр 40:12

Мустӧмтысьяс кӧ оз вермыны менӧ, сэки ме тӧдмала, мый Тэ бур сьӧлӧма ме дінӧ.

Матвей 18:23

Енэжвыв Юралӧмыс татшӧм. Ӧксы шуис артавны аслас кесйӧгъяслысь уджйӧзсӧ.

Матвей 18:25

Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ.

Матвей 25:15

Быдӧнлы сямыс-выныс серти сетас зарни сьӧм: ӧтилы вит талант, мӧдлы кыкӧс, коймӧдлы ӧти талант. Сэсся мунас.

Матвей 25:16

Вит талант босьтысь пырысь-пыр сьӧмсӧ уджӧ бергӧдас да содтӧд босьтас вит талант.

Матвей 25:20

Вит талант босьтысь содтӧд ваяс вит талант да шуас: ”Ыджыдӧй, тэ меным витӧс сетлін. Видзӧдлы, нӧшта менам вит содіс”.

Матвей 25:22

Кык талант босьтысь локтас да шуас: ”Ыджыдӧй, тэ меным кык талант сетлін. Видзӧдлы, нӧшта менам кык содіс”.

Матвей 25:24

Сэсся ӧти талант босьтысь локтас да шуас: ”Ыджыдӧй, ме тӧда, тэ чорыд морт: вундан, кытчӧ эн кӧдзлы, да чукӧртан, кытчӧ кӧйдыссӧ эн шыбитлы.

Лука 13:4

Мый шуанныд дас кӧкъямысыс йылысь, кодъяс вылӧ Силоамын усис башня да лямӧдіс кувтӧдзныс? Вӧліны-ӧ найӧ мыжаджыкӧсь Ерусалимын мукӧд олысьяс дорысь?

Лука 16:5

Сійӧ корас ӧти бӧрся мӧдӧс ыджыдыслы уджйӧзаясӧс. Ӧтилысь юалас: ”Уна-ӧ тэ уджйӧза?”

Лука 16:7

Сэсся мӧдлысь юалас: ”Тэ уна-ӧ уджйӧза?” Сійӧ вочавидзас: ”Сё мешӧк шобді”. Овмӧс нуӧдысь шуас: ”Со тэнад уджйӧз гижӧдыд. Гиж кӧкъямысдасӧс”.