Матвей 16:21 - Коми Библия 2023

²¹ Тайӧ кадсянь Исус кутіс висьтавлыны велӧдчысьясыслы, мый Сылы ковмас мунны Ерусалимӧ да уна сьӧкыд сэні нуны юрнуӧдысьяссянь, аркирейяссянь да Индӧдӧ велӧдысьяссянь. Сійӧс виасны, но коймӧд луннас Сійӧ ловзяс.

Матвей 16:21 Iomraidhean Croise

Неемий 12:7

Саллу, Амок, Хилки да Едай. Исус аркирей кадӧ найӧ веськӧдлісны попъясӧн, асланыс вокъясӧн.

Матвей 12:40

Куим лун да куим вой Иона вӧлі ыджыд чери рушкуын. Тадзи куим лун да куим вой Морт Пи лоӧ му пыдӧсын.

Матвей 16:22

Исусӧс бокӧ корӧмӧн Петыр шуис: «Ен мед видзас Тэнӧ, Господьӧй. Мед оз ло тайӧ!»

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Матвей 17:12

Висьтала тіянлы: Илля локтіс нин. Сӧмын йӧзыс сійӧс эз тӧдны, сыкӧд вӧчисны, мый кӧсйисны. Тадзи тшӧтш Морт Пилы уна сьӧкыд насянь вичмас».

Матвей 17:9

Керӧсысь лэччиганыс Исус шуис налы: «Морт Пилӧн кулӧмысь ловзьытӧдз некодлы энӧ висьталӧй, мый аддзылінныд».

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Матвей 26:2

«Кык лун мысти, ті тӧданныд, Ыджыд лун лоӧ. Тайӧ кадӧ Морт Пиӧс вузаласны да крестӧ тувъяласны».

Матвей 26:47

Исуслӧн сёрнитігкості локтіс Иуда, дас кык велӧдчысьысь ӧти. Сыкӧд тшӧтш локтісны зоръясӧн да шыпуртъясӧн уна йӧз. Найӧс вӧлі мӧдӧдӧмаӧсь аркирейяс да юрнуӧдысьяс.

Матвей 27:12

Аркирейяс да юрнуӧдысьяс мыжалісны Исусӧс, но Сійӧ чӧв оліс.

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

Матвей 28:6

Сійӧ тані абу. Сійӧ ловзис Аслас шуӧм серти. Локтӧй, видзӧдлӧй Господьлысь куйланінсӧ.

Марк 8:31

Исус пондіс висьтавны велӧдчысьясыслы: «Морт Пилы уна сьӧкыд ковмас нуны. Юрнуӧдысьяс, аркирейяс да Индӧдӧ велӧдысьяс ӧтдортасны Сійӧс. Сійӧс виасны, но коймӧд луннас Сійӧ ловзяс».

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Лука 17:25

Но таӧдз Сылы ковмас нуны уна сьӧкыд да ӧтдортӧм ӧнія олысьяссянь.

Лука 24:46

Сійӧ шуис налы: «Тадзи гижӧма: Кристослы колӧ мунны сьӧкыдыс пыр, кувны да коймӧд луннас ловзьыны,

Лука 9:31

На вылын вӧлі Енлӧн дзирдлуныс. Найӧ сёрнитісны Исускӧд Сылӧн мунӧм йылысь, мый збыльмас Ерусалимын.