Матвей 15:19 - Коми Библия 2023

¹⁹ Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Матвей 15:19 Iomraidhean Croise

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Шусьӧгъяс 22:15

Зонпилы кӧ йӧйлун кӧвъясьӧма, мезды сійӧс ньӧръялӧмӧн.

Шусьӧгъяс 24:9

Вежӧртӧмлӧн кӧсйӧмыс – мыж, Енмӧс омӧльтысь – йӧзыслы зывӧк.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Шусьӧгъяс 6:14

Сійӧ – ылӧг сьӧлӧма, пыр мӧвпалӧ лёк вӧчны, дугдывтӧг кӧдзӧ зыксьӧм.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Лыд 22:29

Валаам шуис осёлыслы: «Тэ менӧ йӧй туйӧ пуктін. Вӧлі кӧ менам шыпурт, ме эськӧ дзик ӧні вии тэнӧ!»

Матвей 15:20

Тайӧ пежалӧ мортсӧ, а ки мыськытӧг сёйӧмыд оз пежав».

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

Матвей 9:4

Налысь мӧвпъяссӧ тӧдӧмӧн Исус шуис: «Мыйла сьӧлӧманыд лэдзанныд лёк мӧвпъяссӧ?

Ап. уджъяс 8:22

Бергӧдчы аслад лёк вӧчӧмысь да кевмысь Енлы, гашкӧ, Сійӧ прӧститас тэнсьыд лёк мӧвптӧ.

Римӧ 7:18

Тӧда, мый ме пытшкын, менам тшыкӧм вир-яйын, бурыс абу. Бурсӧ вӧчны кӧсйӧмыс эм, но сійӧ оз артмы.