Матвей 13:15 - Коми Библия 2023

¹⁵ Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Матвей 13:15 Iomraidhean Croise

Шусьӧгъяс 16:30

Синсӧ читкыралысь гусьӧн пурны мӧвпалӧ, пиньсӧ йирысь лёксӧ вӧчны лӧсьӧдчӧ. [Сійӧ пушкӧ лӧглунӧн.]

Исай 44:20

Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Исай 57:18

Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Еремей 17:14

Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 3:22

– Бергӧдчӧй Ме дінӧ, кывзысьтӧм челядьӧй, Ме бурдӧда тіянӧс Менӧ эновтӧмысь. – Со, ми локтам Тэ дінӧ, ӧд Тэ – Господь, миян Енным.

Еремей 33:6

Но Ме бурдӧда тайӧ карас олысьясӧс. Ме бурдӧда налысь дойяссӧ да сета налы тырвыйӧ лӧньлун да веськыдлун.

Осий 14:4

Ассур миянӧс оз мезды, вӧвъяс вылӧ лачанымӧс огӧ нин кутӧй, киӧн вӧчӧмторъяснымӧс ми огӧ нин шуӧй асланым енмӧн, ӧд Тэ дінысь батьтӧмъяс аддзӧны буралӧмсӧ.

Закар 7:11

Но тіян батьясныд эз кӧсйыны кывзыны, пельнысӧ тупкісны да бергӧдісны Меланьӧ мышнысӧ.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Марк 4:12

– Найӧ видзӧдӧны, аддзӧны – да оз казявны, кывзӧны, кылӧны – да оз гӧгӧрвоны. Оз бергӧдчыны Енлань, и налысь мыжъяссӧ оз ло прӧститӧма».

Лука 19:42

шуаліс: «Тӧдін кӧ эськӧ тэ талун, мый вайӧ тэныд лӧнь олӧмсӧ! Ӧні тайӧ тупкыса тэнад синлы.

Ап. уджъяс 28:27

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Ап. уджъяс 7:57

Сэки чукӧртчысьяс пельнысӧ тупкӧмӧн лёкгоршӧн пондісны равзыны, ставныс уськӧдчисны Степан вылӧ.

2 Тимофейлы 4:4

Пельнысӧ тупкасны збыльыслы да бергӧдчасны мойдъяслань.

Еврейяслы 5:11

Та йылысь эськӧ уна на позьӧ висьтавны, но сьӧкыд висьтавнысӧ, ӧд ті онӧ кӧсйӧй кывзынысӧ.

Восьтӧм 22:2

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.