Матвей 12:18 - Коми Библия 2023

¹⁸ – Со, Менам Кесъялысьӧй, Менам мусаӧй, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым Лолӧс. Сійӧ ваяс веськыда мыждӧм быд войтырлы.

Матвей 12:18 Iomraidhean Croise

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 52:13

– Менам кесйӧглӧн ставыс кутас артмыны, Сійӧс кутасны бурӧ пуктыны, ыдждӧдлыны да нимӧдны.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Исай 62:2

Сэки войтыръяс аддзасны тэнсьыд веськыдлунтӧ, став ӧксыяс аддзасны тэнсьыд дзирдлунтӧ, тэнӧ нимтасны выль нимӧн, тайӧ нимсӧ сетас тэныд Господь.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Закар 3:8

Кывзӧй, Исус аркирей да тэкӧд кесъялысь попъяс! Ті – сійӧ пасыс, мый регыд Ме мӧдӧда Ассьым кесйӧгӧс, коді эм Выль Вож.

Матвей 12:17

Тадзи иніс Исай пророклӧн шуӧмыс:

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Марк 1:11

Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Марк 9:7

Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Лука 23:35

Йӧзыс сулалісны да видзӧдісны. Юралысьяс накӧд сералӧмӧн шуалісны: «Мукӧдӧс мездіс – мед Асьсӧ ӧні мездас, Сійӧ кӧ Кристос, Енлӧн бӧрйӧмаыс».

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Лука 9:35

Кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Колосӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

1 Петыр 2:4

Сійӧ эм ловъя из, Енмыслы зэв дона. Йӧзыс Сійӧс ӧтдортісны, но Енмыс бӧрйис Сійӧс. Локтӧй Сы дінӧ

2 Петыр 1:17

Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».