Матвей 12:10 - Коми Библия 2023

¹⁰ Сэні вӧлі косьмӧм киа морт. Фарисейяс корсисны помка мыжавны Исусӧс да юалісны Сылысь: «Позьӧ-ӧ шойччан лунӧ бурдӧднысӧ?»

Матвей 12:10 Iomraidhean Croise

Исай 32:6

Ӧд мывкыдтӧм мортлӧн сёрниыс мывкыдтӧм, сійӧ мӧвпалӧ лёк вӧчӧм йылысь, сылӧн оласногыс шогмытӧм, сійӧ омӧльтӧ Господьӧс, няньтӧг кольӧ тшыг мортӧс, горш косьмысьлы оз сет ва.

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Закар 11:17

– Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Матвей 12:2

Тайӧс аддзылісны фарисейяс да шуисны Исуслы: «Видзӧдлы, мый Тэнад велӧдчысьясыд вӧчӧны! Тайӧс оз позь вӧчны шойччан лунӧ».

Матвей 19:3

Исус дінӧ матыстчисны фарисейяс да Сійӧс кыйӧм могысь юалісны: «Быд помка вӧсна-ӧ морт вермас юксьыны гӧтырыскӧд?»

Марк 3:2

Фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс.

Лука 11:54

Найӧ зілисны крукыштны Исусӧс, корсисны помка мыжавны Сійӧс.

Лука 13:14

Шойччан лунӧ висьысьӧс бурдӧдӧмыс скӧрмӧдіс синагогаса юралысьӧс. Сійӧ шуис йӧзыслы: «Вежонас квайт лун сетӧма уджавнысӧ, сэки локтӧй бурдӧдчынытӧ, а энӧ шойччан лунӧ».

Лука 20:22

Висьтав, миянлы позьӧ вот мынтыны кесарлы?»

Лука 23:14

сэсся шуис налы: «Ті вайӧдінныд тайӧ Мортсӧ ме водзӧ да мыжаланныд Сійӧс йӧзсӧ шызьӧдӧмысь. Ме тіян дырйи юаси Сійӧс да эг аддзы мыжсӧ. Сійӧ абу мыжа, мыйысь ті Сійӧс мыжаланныд.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Иоан 5:10

Та вӧсна иудейяслӧн веськӧдлысьяс шуисны бурдӧм мортлы: «Талун шойччан лун, тэныд оз позь вольпасьтӧ нуны».

Иоан 5:3

Пыранінъясас куйліс зэв уна висьысь: синтӧмъяс, коктӧмъяс, косьмӧм ки-кокаяс. Найӧ виччысисны ва гызьӧм.

Иоан 7:23

Ті кӧ вундыштанныд мортсӧ шойччан лунӧ, медым эз ло торкӧма Мӧисейлысь Индӧдсӧ, сідзкӧ, мыйла Ме вылӧ скӧраланныд, Ме кӧ дзоньнас мортсӧ бурдӧді шойччан лунӧ?

Иоан 8:6

Найӧ шуалісны тадзи Исусӧс кыйӧм могысь, медым сэсся мыжавны Сійӧс. Но Исус эз кывзы найӧс, а копыртчӧмӧн чуньнас кутіс гижны муас.

Иоан 9:16

Сэки фарисейяс пӧвстысь кодсюрӧ шуисны: «Тайӧ Бурдӧдысьыс абу Енсянь, ӧд Сійӧ торкӧ тшӧктӧмсӧ – уджалӧ шойччан лунӧ». Мукӧдыс сёрнитісны: «Вермас ӧмӧй мыжа морт вӧчны татшӧм шензьӧданаторъяссӧ?» Тадзи лыбис на костын вен.