36 Мортӧс мустӧмтӧны сылӧн гортсаясыс.
Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».
Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.
Луннас Господь петкӧдлӧ Ассьыс буралӧмсӧ, а войнас ме сьылӧмӧн ошка Сійӧс, кевмыся менам олӧмӧйлӧн Енлы.
Енмӧй, ме сеті Тэныд кыв и куті сійӧс, ӧні ме вая Тэныд аттьӧалана вись.
Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.
Весиг тэнад вокъясыд да рӧдвужыд ылӧдлӧдны тэнӧ, бӧрвывсяньыд гораа горзӧны тэ вылӧ. Но найӧ кӧ весиг бурногӧн кутасны сёрнитны тэкӧд, тэ эн эскы налы.
Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».
Ӧд пиыс батьсӧ янӧдӧ, нылыс паныд сувтӧ мамыслы, моньыс – энькаыслы. Мортӧс мустӧмтӧны сылӧн гортсаясыс.
Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.
Петыр шуис Сылы: «Некор он мыськав менсьым кокӧс!» Исус воча шуис: «Ог кӧ мыськав тэнӧ, он ло Мекӧд».
Давидлӧн Элиав нима ыджыд вокыс кывліс Давидлысь юасьӧмсӧ. Сійӧ скӧрмис Давид вылӧ да шуис: «Тэ мыйла татчӧ локтін? Кодлы овтӧминад эновтін ичӧт ыж чукӧртӧ? Ме тӧда тэнсьыд асныралӧмтӧ да ыкшаасьӧмтӧ. Тэ локтін, медым видзӧдлыны тышсӧ».
