Марк 9:18 - Коми Библия 2023

¹⁸ Кор пеж лов топӧдӧ сійӧс, шыбитӧ муас. Сэки пиӧй пиньсӧ йирӧ, сійӧс йӧрсӧналӧ, да вомсьыс быг петӧ. Ме кори Тэнсьыд велӧдчысьястӧ вӧтлыны пеж ловсӧ, но найӧ эз вермыны».

Марк 9:18 Iomraidhean Croise

Иов 16:9

Енлӧн скӧрлуныс косявлӧ менӧ, усьласьӧ ме вылӧ, пиньсӧ йирӧ ме вылӧ, менӧ мустӧмтысь синсӧ сувтӧдӧма ме вылӧ.

Матвей 15:22

Сы дінӧ локтіс сэні олысь ханаанса ань да пондіс горзыны: «Господьӧй, Давид Пи! Ло бур сьӧлӧма ме дінӧ! Пеж лов пырӧма менам ныв пытшкӧ да чорыда песлӧдлӧ сійӧс».

Матвей 17:16

Ме вайӧдлі сійӧс велӧдчысьяс дінад, но найӧ бурдӧднысӧ эз вермыны».

Матвей 8:12

А кодлы водзысяньыс вӧлі дасьтӧма Енлысь Юраланінсӧ, найӧс шыбитасны пемыдас. Сэні лоӧ бӧрдӧм да пинь йирӧм».

Марк 11:23

«Эскӧй Енлы. Веськыда висьтала тіянлы: шуас кӧ кодкӧ тайӧ керӧсыслы: ”Кыпӧдчы да шыбитчы саридзас”, лоӧ тадзи. Сӧмын мед став сьӧлӧмнас майшасьтӧг эскас, мый шуӧмыс инас.

Марк 9:17

Йӧз пӧвстысь ӧти шуис: «Велӧдысьӧй, ме вайӧді Тэ дінӧ ассьым пиӧс. Сійӧ оз сёрнит, сы пытшкын пеж лов.

Марк 9:19

Исус шуис: «Эскытӧмъяс! Дыр-ӧ на Меным овнысӧ тіянкӧд? Дыр-ӧ на Меным видзӧдны тіянӧс? Вайӧдӧй Ме дінӧ зонкасӧ».

Марк 9:20

Сійӧс вайӧдісны Исус дінӧ. Исусӧс аддзӧм бӧрын пеж лов дзик пыр кутіс песлӧдлыны зонкасӧ. Сійӧ усис муас, пондіс туплясьны, вомсьыс кутіс быг петны.

Марк 9:26

Пеж лов горӧдіс, песовтіс зонкасӧ да петіс сы пытшкысь. Зонка куйліс шой кодь, унаӧн весиг шуисны, мый сійӧ куліс.

Ап. уджъяс 7:54

Тайӧс кывзігӧн веськӧдлан котырӧ чукӧртчӧмаяс пузисны скӧрысла, пондісны пиньнысӧ йирны.

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.