Марк 6:34 - Коми Библия 2023

³⁴ Пыжысь чеччигӧн Исус аддзис уна йӧзӧс. Сылӧн сьӧлӧмыс нормис, ӧд найӧ вӧліны видзысьтӧг кольӧм ыжъяс кодьӧсь. Сэки Исус пондіс велӧдны найӧс, Сійӧ унатор йылысь висьталіс налы.

Марк 6:34 Iomraidhean Croise

Ӧксыяслӧн 3 небӧг 22:17

Сэки Микей кутіс висьтавны: «Ме аддзылі керӧсъяс пасьтала разалӧм Израиль войтырӧс. Найӧ вӧліны видзысьтӧг кольӧм ыжъяс кодьӧсь. Господь шуис: ”Налӧн абу ыджыдыс. Найӧ мед повтӧг бӧр мунасны гортаныс”».

2 Каднебӧг 18:16

Сэки Микей кутіс висьтавны: «Ме аддзылі керӧсъяс пасьтала разалӧм Израиль войтырӧс. Найӧ вӧліны видзысьтӧг кольӧм ыжъяс кодьӧсь. Господь шуис: ”Налӧн абу ыджыдыс. Найӧ мед повтӧг бӧр мунасны гортаныс”».

Исай 13:14

Сэки пышйысь газель моз, эновтӧм ыжъяс моз быдӧн бергӧдчас аслас войтыр дінӧ, котӧртас аслас муӧ.

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Езекиль 34:5

Найӧ колисны видзысьтӧг, разалісны да лоины зверъяслы сёянӧн.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Лыд 27:17

коді мунас на водзвылын да нуӧдас найӧс, медым Господьлӧн войтырыс эз вӧвны видзысьтӧг кольӧм ыжъяс кодьӧсь».

Матвей 14:14

Пыжысь чеччигӧн Исус аддзис уна йӧзӧс. Сылӧн сьӧлӧмыс нормис на вӧсна, и Сійӧ бурдӧдіс висьысьясӧс.

Матвей 15:32

Исус корис велӧдчысьяссӧ да шуис: «Менам сьӧлӧмӧй висьӧ тайӧ йӧзыс вӧсна. Найӧ куим лун нин танӧсь, а налӧн сёяныс абу. Ог кӧсйы мӧдӧдны найӧс сёйтӧгыс, мед туяс дзикӧдз оз эбӧстӧммыны».

Матвей 9:36

Йӧз вылӧ видзӧдігӧн Исуслӧн сьӧлӧмыс нормис, ӧд мудзӧмнысла найӧ вӧліны эбӧстӧм-вынтӧмӧсь, видзысьтӧг кольӧм ыжъяс кодьӧсь.

Марк 6:33

Йӧзыс аддзылісны налысь мунӧмсӧ да тӧдісны найӧс. Котӧрӧн петісны каръяссьыныс да воисны сэтчӧ на дорысь водзджык.

Марк 6:35

Сёр рытнас матыстчисны Исус дінӧ велӧдчысьясыс да шуисны: «Тані овтӧмин, и кадыс сёр нин.

Марк 8:1

Сійӧ лунъясӧ бара чукӧртчис зэв уна йӧз. Налӧн эз вӧв аскӧдныс сёяныс. Исус корис велӧдчысьяссӧ да шуис:

Марк 8:2

«Менам сьӧлӧмӧй висьӧ тайӧ йӧзыс вӧсна. Найӧ куим лун нин танӧсь, а налӧн сёяныс абу.

Лука 9:11

Та йылысь тӧдмалӧм бӧрын йӧзыс мӧдӧдчисны Исус бӧрся. Сійӧ сибӧдіс найӧс, сёрнитіс накӧд Енлӧн Юралӧм йылысь да бурдӧдаліс висьысьясӧс.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.