Малакий 3:16 - Коми Библия 2023

¹⁶ Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

Малакий 3:16 Iomraidhean Croise

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Ӧксыяслӧн 2 небӧг 7:1

Давид ӧксы оліс аслас ыджыд керкаын. Господь сетіс сылы лӧнь кад, мездіс сійӧс кытшалысь вӧрӧгъясысь.

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 18:3

Ахав корис Авдийӧс, ӧксы керкаӧн веськӧдлысьӧс. Авдий поліс-вежавидзис Господьысь.

2 Каднебӧг 6:7

Менам Давид батьӧй сьӧлӧмсяньыс кӧсйис лэптыны Господьлы, Израильлӧн Енлы, крам.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Эсфир 2:23

Лоӧмторсӧ туялӧм бӧрын тыдовтчис, мый, вӧлӧмакӧ, збыль. Сэки кыкнан кесйӧгсӧ ӧшӧдісны пу сюръя вылӧ. Тайӧ лоӧмтор йывсьыс гижисны ӧксылӧн каднебӧгӧ.

Эсфир 6:1

Сійӧ войнас ӧксы эз вермы унмовсьны. Ӧксы тшӧктіс [кесйӧгыслы] вайны каднебӧг. Кор сійӧс лыддисны ӧксылы,

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Псалтыр 104:33

Сійӧ жугліс налысь виноград да инжир пуяссӧ, чегъяліс налӧн му вылысь мукӧд пуяссӧ.

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Псалтыр 139:4

Налӧн кывйыс змейлӧн кодь чушкана, налӧн вомын змей яд.

Псалтыр 16:3

Тэ видзӧдлан менам сьӧлӧмӧ, видлан менӧ войся кадӧ, тӧдмалан менӧ, но нинӧм лёксӧ он аддзы, ӧд менам мӧвпъясӧй оз торъявны кывъясысь.

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Псалтыр 56:8

Енмӧй, менам сьӧлӧмӧй дась нин, менам сьӧлӧмӧй дась сьывны да ошкыны Тэнӧ.

Псалтыр 56:9

Садьмы, менам лолӧй, садьмӧй, арфа да гусли! Ме садьмӧда асъя кыасӧ.

Петӧм 32:32

Прӧстит налысь мыжсӧ, а он кӧ, вушты менсьым нимӧс Аслад небӧгысь».

Шусьӧгъяс 13:20

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Исай 65:6

Ме тӧда налысь уджъяссӧ, та йылысь гижӧма: Ме ог кут чӧв овны, Ме мынтыся тіянлы, мынтыся тіянлы тырвыйӧ

Еремей 31:18

Ме кыла Ефремлысь бӧрдӧмсӧ: «Тэ мыждін менӧ, мыждін менӧ асныра ӧшпиӧс моз. Бергӧд менӧ Ас дінад, и ме бергӧдча, ӧд Тэ – Господь, менам Енмӧй.

Еремей 8:6

Ме сюся кывза найӧс, но збыльсӧ найӧ оз висьтавны, некод оз каитчы аслас лёк вӧчӧмысь, некод оз шу: «Мый нӧ ме вӧчи!» Тышӧ петысь вӧв моз быдӧн котӧртӧ аслас туйӧд.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Лука 2:38

Буретш Симеонлӧн висьталігӧн сійӧ матыстчис, пондіс ошкыны Енмӧс да висьтавлыны кага йылысь ставныслы, Ерусалимын мездмӧмсӧ виччысьысьяслы.

Ап. уджъяс 1:13

Локтӧм бӧраныс найӧ пырисны керкаӧ да кольччисны сэні вылыс судтаас. Тайӧ вӧліны: Петыр, Яков, Иоан, Ӧндрей, Филип, Фома, Варфоломей, Матвей, Алфей Яков, Симон Зилот да Яков Иуда.

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

Ап. уджъяс 2:1

Воис Ветымынӧд лунся гаж. Найӧ ставныс вӧліны ӧти сьӧлӧмаӧсь. Кор найӧ вӧлі чукӧртчӧмаӧсь,

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

1 Фессалоникаӧ 5:11

Сідзкӧ, ӧнія моз водзӧ ышӧдӧй да ёнмӧдӧй ӧта-мӧднытӧ.

1 Фессалоникаӧ 5:14

Вокъяс, корам тіянӧс: дышъясӧс туйдӧдӧй, полысьясӧс ышӧдӧй, жебъясӧс кутыштӧй, быдӧнӧс терпитӧй.

Еврейяслы 10:24

Кутам тӧждысьны ӧта-мӧдным вӧсна, ышӧдны ӧта-мӧдӧс муслун да бур уджъяс вылӧ.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Еврейяслы 3:13

Быд лун ышӧдӧй ӧта-мӧднытӧ, кытчӧдз позьӧ на шуны ”талун”, мед тіян пиысь некодлӧн эз чорзьы сьӧлӧмыс мыжыслӧн ылӧдлӧм вӧсна.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.