Малакий 3:11 - Коми Библия 2023

¹¹ Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –

Малакий 3:11 Iomraidhean Croise

Еремей 8:13

Виноградӧс моз Ме чукӧрта найӧс, медым мӧдӧдны пленӧ, – висьталӧ Господь, – вожъяс вылас оз коль весиг ӧти тусь, инжир пу вылын оз коль вотӧсыс, коръясыс косьмасны. Ставсӧ, мый Ме сеті налы, лоӧ мырддьӧма.

Осий 2:21

Сійӧ лунӧ Ме вочавидза, – висьталӧ Господь, – Ме вочавидза енэжыслӧн корӧм вылӧ, а енэжыс вочавидзас муыслӧн корӧм вылӧ.

Йоиль 1:12

виноград косьмӧма, инжир нярмунӧма, гранат, финик да яблӧг пуяс нюкыртчӧмаӧсь – став пуыс косьмӧма. Йӧзыс воштісны гажлунсӧ.

Йоиль 1:4

Лёльӧяс бӧрся коляссӧ сёйис саранча, саранча бӧрся сёйисны чиркъяс, чиркъяс бӧрся сёйисны гагъяс.

Йоиль 1:7

Сійӧ бырӧдіс Менсьым виноград пуӧс, йирис Менсьым инжир пуӧс, сылысь кырсьсӧ чашйис да шыбитіс, колины сӧмын кульӧм вожъяс.

Йоиль 2:20

Войвывсянь уськӧдчысьясӧс Ме ылыста тіян дінысь, вӧтла найӧс ватӧм куш муӧ, водзвылас мунысьясӧс Ме вӧйта асыввыв саридзӧ, бӧрвылас мунысьясӧс – рытыввыв саридзӧ. Унасьыс-уна лёктор вӧчӧмсьыс налӧн шойысь пондас ӧвтны сісьмӧм лёк дук.

Йоиль 2:22

Энӧ полӧй, пемӧсъяс, овтӧминса йирсянінъяс вылын бара петас веж турун, пуяс пондасны вотӧсавны, инжир да виноград ваясны уна вотӧс.

Йоиль 2:25

Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.

Амос 4:9

Сотысь тӧвруӧн да висьӧмӧн Ме бырӧдлі тіян видз-му вылысь няньнытӧ, косьті расъяснытӧ да виноград йӧрнытӧ. Инжир да олив пуястӧ сёйис лёльӧ. Но ті энӧ бергӧдчӧй Ме дінӧ, – висьталӧ Господь. –

Аввакум 3:17

Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,

Аггей 1:11

Ме мӧдӧді зэртӧм кад му вылӧ, керӧсъяс да кӧдзасъяс вылӧ, виноград да олив пуяс вылӧ, мувывса став быдтас вылӧ, йӧз вылӧ да ыж-мӧс вылӧ, видз-му уджъяс вылӧ.

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Закар 8:12

Кӧдзӧмаыс быдмас, виноград пу ваяс вотӧс, муыс сетас быдтас, енэжыс юкталас лысваӧн. Ставсӧ тайӧс Ме сета Аслам коляс войтырлы.

Индӧд 11:14

сэки Господь ас кадӧ сетас арся да тувсовъя зэр, и ті чукӧртанныд нянь, вина да олив вый.