Малакий 2:15 - Коми Библия 2023

¹⁵ Тадзи оз вӧч сійӧ, код пытшкын Енлӧн лолыс. Мый сійӧ корсьӧ? Медым вӧліны Енсянь чужысьяс. Сідзкӧ, видзӧй ловнытӧ, энӧ эновтӧй том кадӧ босьтӧм гӧтырнытӧ.

Малакий 2:15 Iomraidhean Croise

Олӧм 1:27

Ен вӧчис мортӧс Ас кодьнас. Аймортӧс да аньӧс Ен кодьӧн вӧчис.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Олӧм 24:44

Шуас кӧ сійӧ: ’Ю, ме верблюдъясыдлы на гумлала’, сідзкӧ, тайӧ дзик сійӧ аньыс, кодӧс Господь индіс менам ыджыдлӧн Исаак пиыслы. [Та серти ме тӧдмала, мый Тэ бур сьӧлӧма Ӧвраам ыджыдӧй дінӧ.]”

Олӧм 27:46

А Исаак верӧсыслы Ревекка шуис: «Тайӧ хеттей аньясыс вӧсна меным мустӧммис олӧмыс. Нӧшта кӧ Яков босьтас гӧтырӧ хеттей аньӧс, весиг ог кӧсйы овнысӧ!»

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Ездра 9:4

Ме дінӧ чукӧртчисны найӧ, кодъяс полісны локтӧмаяслӧн мыж вӧсна Израиль Енлӧн мыждӧмысь. Шогалӧмӧн ме пукалі рытъя вись ваян кадӧдз.

Неемий 13:24

Та вӧсна джын челядьыс оз тӧдны еврей кывсӧ, сёрнитӧны азот кыв вылын да мукӧд войтыр кывйӧн.

Иов 27:3

кытчӧдз менам ловшыӧй шедӧ на, кытчӧдз Енлӧн лолалӧмыс ме пытшкын,

Петӧм 20:14

Гозъякост олӧм эн пежав.

Шусьӧгъяс 2:17

Сійӧ эновтӧма томдырся верӧссӧ, вунӧдӧма Ен водзын кӧрталӧм йитӧдсӧ.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Шусьӧгъяс 6:25

Сьӧлӧмад эн ышты сылӧн мичлуныс вылӧ, [синмыд мед оз корсь сійӧс,] син лапйӧдлӧмнас мед оз тывйышт тэнӧ.

Шусьӧгъяс 7:25

Тэнад сьӧлӧмыд мед оз вӧтлысь йӧз гӧтыр бӧрся, эн шӧйт сылӧн туй вывті.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Малакий 2:14

Ті юаланныд: «Мый понда оз сибӧд?» Сыысь, мый тэ эновтін том кадӧ босьтӧм гӧтыртӧ, кодкӧд тэнад вӧлі йитӧд. Ӧні тэ да гӧтырыд костын мыжалысьыс – Господь.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Иоан 20:22

Тайӧс шуӧм бӧрын Сійӧ пӧльыштіс налань да шуис: «Сибӧдӧй Вежа Лолӧс.

Ап. уджъяс 3:25

Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

1 Коринфӧ 7:14

Тадзи эскысь гӧтырыс пыр Енмыс вежӧдӧ эскытӧм верӧссӧ, и мӧдарӧ, эскысь верӧсыс пыр вежӧдӧ эскытӧм гӧтырсӧ. Эз кӧ вӧв тадзи, тіян ныв-пиныд эськӧ вӧліны пежӧсь, но ӧні найӧ вежаӧсь.

1 Коринфӧ 7:2

но медым некод эз кырсав, быд мортлӧн мед лоӧ аслас гӧтыр да быд аньлӧн – аслас верӧс.

2 Коринфӧ 6:18

Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.

Ефесӧ 6:4

Батьяс, энӧ дӧзмӧдӧй ассьыныд челядьнытӧ, но быдтӧй-велӧдӧй найӧс Господьлӧн кӧсйӧм серти.

Индӧд 7:4

Найӧ кежӧдасны пияннытӧ Господь дінысь, и пиянныд кутасны юрбитны мукӧд енъяслы. Таысь Господьлӧн скӧрлуныс ыпнитас тіян вылӧ, и Сійӧ регыдъя кадӧн бырӧдас тіянӧс.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

Руфа 4:12

Тайӧ том аньыслы Господь мед отсалас чужтыны тэныд уна ныв-пиӧс. Сэки тэнад котырыд лоӧ Пареслӧн кодь, кодӧс Фамар чужтіс Иудалы».

Ӧксыяслӧн 1 небӧг 2:20

Элканӧс да сылысь гӧтырсӧ бурсиӧмӧн Илий шуис: «Господьлы питӧ сетӧмысь Господь мед тайӧ гӧтырыд пыр нӧшта на сетас тэныд ныв-пиӧс». Сэсся Элкан да Анна бӧр мунісны гортаныс.