Лыд 7:10 - Коми Библия 2023

¹⁰ Сійӧ лунӧ, кор висьпуктанінсӧ вӧлі мавтыштӧма, юралысьяс вайисны висьпуктанін водзӧ козинъяс сійӧс вежӧдӧм могысь.

Лыд 7:10 Iomraidhean Croise

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

2 Каднебӧг 7:5

Соломон ӧксы вайис вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став войтырыс вежӧдісны Енлысь крамсӧ.

2 Каднебӧг 7:9

Сизим лун чӧж найӧ вежӧдісны висьпуктанінсӧ, сэсся сизим лун чӧж гажӧдчисны. А гаж заводитчӧмсянь кӧкъямысӧд луннас налӧн вӧлі чукӧртчӧм.

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Неемий 12:43

Сійӧ лунӧ йӧзыс вайисны уна вись да ёна гажӧдчисны, ӧд Енмыс тыртіс найӧс ыджыд нимкодьлунӧн. Аньяс и челядь тшӧтш ёна нимкодясисны. Ерусалимын гажӧдчӧмыс кыліс ылӧдз.

Псалтыр 30:1

Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Лыд 7:1

Вежа чом сувтӧдӧм бӧрын Мӧисей мавтыштіс да вежӧдіс вежа чомсӧ да вежаинса став дозмук-кӧлуйсӧ, тшӧтш висьпуктанінсӧ став дозмук-кӧлуйнас.

Лыд 7:11

Господь шуис Мӧисейлы: «Висьпуктанін вежӧдӧм могысь козинсӧ быд юралысь мед ваяс торъя лунӧ».

Лыд 7:84

Висьпуктанін мавтыштан лунӧ сійӧс вежӧдӧм могысь Израиль войтырлӧн юралысьясыс вайисны дас кык эзысь тасьті, дас кык эзысь дозмук, дас кык зарни кӧш.

Лыд 7:88

Бурасян вись пыдди вӧлі вайӧма кызь нёль ӧшкӧс, квайтымын межӧс, [арӧса] квайтымын ай кӧзаӧс да [дзоньвидза] арӧса квайтымын баляӧс. Висьпуктанін мавтыштӧм бӧрын ставсӧ тайӧс вайисны висьпуктанін вежӧдӧм могысь.

Индӧд 20:5

Веськӧдлысьяс мед шуасны войтырлы: ”Тіян пиысь кӧ кодкӧ лэптіс выль керка, но сэтчӧ эз на овмӧдчы, мед бӧр бергӧдчас гортас. Сійӧ вермас тышын усьны, а сылӧн керкаӧ мӧд овмӧдчас.