Лыд 6:23 - Коми Библия 2023

²³ «Висьтав Ааронлы да сылӧн пияныслы, мый Израиль войтырӧс бурсиигӧн колӧ шуны татшӧм кывъяс:

Лыд 6:23 Iomraidhean Croise

Олӧм 24:60

Ревеккаӧс бурсиисны татшӧм кывъясӧн: «Чойӧ, мед чужасны тэсянь сюрсъяс! Тэсянь чужысьяс мед босьтасны найӧс мустӧмтысьяслысь каръяссӧ!»

Олӧм 47:10

Фараонӧс бурсиӧм бӧрын Яков петіс сы дінысь.

Олӧм 47:7

Ӧсип вайӧдіс Яков батьсӧ фараон водзӧ, и Яков бурсиис фараонӧс.

Олӧм 48:20

Сійӧ лунӧ Яков бурсиис найӧс тадзи: «Тіян нимъясӧн Израиль войтыр кутас ӧта-мӧдсӧ бурсины. Найӧ шуасны: ”Ефремлы да Манассейлы моз мед Енмыс вӧчас тэныд”». Тадзи Ефремӧс кыпӧдіс Манассейысь вылӧджык.

Ӧксыяслӧн 3 небӧг 8:55

Сэсся гораа шуалӧмӧн бурсиис став Израиль войтырсӧ:

1 Каднебӧг 23:13

Амрамлӧн вӧліны Аарон да Мӧисей пиян. Ааронӧс да сылысь пиянсӧ вӧлі вежӧдӧма, медым найӧ вӧліны вежасьыс-вежаӧсь, да пыр кежлӧ торйӧдӧма, медым найӧ сотісны висьяс Господь водзын, кесъялісны Сылы да бурсиисны Сылӧн нимӧн.

2 Каднебӧг 30:27

Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз.

Петӧм 39:43

Мӧисей аддзис, мый став уджсӧ найӧ вӧчӧмаӧсь Господьлӧн тшӧктӧм серти. И Мӧисей бурсиис найӧс.

Лыд 6:22

Господь шуис Мӧисейлы:

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

1 Коринфӧ 1:3

Буралӧм да лӧнь олӧм тіянлы Ен Батьнымсянь да Господь Исус Кристоссянь.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Индӧд 21:5

Сэтчӧ мед локтасны попъяс, Левийсянь чужысьяс, кодъясӧс Господь, тіян Енныд, бӧрйис, медым найӧ кесъялісны Сылы да бурсиисны Сылӧн нимӧн. Ӧд быдсикас вензьӧм да дойдӧм колӧ видлавны, сэсся мыждыны попъяслӧн шуӧм серти.

Индӧд 33:1

Со тайӧ бурсиӧмнас Мӧисей, Енлӧн морт, бурсиис Израиль пиянӧс кулӧм водзвылас:

Еврейяслы 7:1

Мелкиседек вӧлі Салим карса ӧксы да Медвылысса Енлы кесъялысь поп. Кор Ӧвраам ӧксыясӧс пасьвартӧм бӧрын вӧлі локтӧ тыш вылысь, сыкӧд паныдасис Мелкиседек да бурсиис сійӧс.

Еврейяслы 7:7

Кывшутӧг, тайӧ тадзи, мый ыджыдджыкыс бурсиӧ ичӧтджыкӧс.

Нав Исус 8:33

Став Израиль войтыр да йӧз муысь локтысьяс, войтырлӧн юрнуӧдысьяс, веськӧдлысьяс да ёрдысьяс сувтісны Господьлӧн Йитӧд куд кыкнанладорас, а на водзын сулалісны Левий чужанкотырысь куд новлӧдлысь попъяс. Войтырлӧн ӧтар джынйыс видзӧдіс Гаризим керӧслань, а мӧд джынйыс видзӧдіс Эвал керӧслань. Тадзи Мӧисей, Господьлӧн кесйӧг, коркӧ тшӧктіс бурсины Израиль войтырӧс.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

2 Иоан 1:3

Ті кӧ оланныд збыляс да муслунас, тіянлы лоӧ бурсетӧм, буралӧм да лӧнь олӧм Ен Батьсянь да Господь Исус Кристоссянь, Батьыслӧн Писянь.