Лыд 6:20 - Коми Библия 2023

²⁰ Ставсӧ тайӧс поп мед ваяс Господь водзын пыркӧдан вись пыдди. Тайӧ вежаторйыс вичмас поплы задвыв яйкӧд да пыркӧдӧмӧн вайӧм морӧсвыв яйкӧд. Та бӧрти назорейлы позьӧ юны вина.

Лыд 6:20 Iomraidhean Croise

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

Исай 25:6

Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Левит 10:15

Задвыв яйсӧ да морӧсвыв яйсӧ сотан госыскӧд вайӧй Господь водзын пыркӧдан вись пыдди. Тайӧ юкӧнъясыс вичмӧны тэныд да тэсянь чужысьяслы нэмъяс чӧж, кыдзи тшӧктіс Господь».

Левит 23:11

Сизимлунся вежа гажлӧн мӧд луннас поп мед ваяс медводдза кольтасӧ Господь водзын пыркӧдан вись пыдди, медым ті вӧлінныд шогманаӧсь Господьлы.

Левит 7:30

Аслас киӧн сылы колӧ вайны Господьлы вись пыдди пемӧслысь госсӧ да морӧсвыв яйсӧ [да мус вывсьыс госа юкӧнсӧ]. Морӧсвыв яйсӧ мед ваяс Господь водзын пыркӧдан вись пыдди,

Левит 7:31

а госсӧ поп мед сотас висьпуктанін вылын. Морӧсвыв яйыс вичмӧ Ааронлы да сысянь чужысьяслы.

Левит 7:32

Бурасян вись пыдди вайӧм пемӧслысь веськыдладор задвыв яйсӧ сетӧй поплы.

Левит 7:34

Ӧд Израиль пиянлӧн бурасян висьысь пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ Ме инді Аарон поплы да сысянь чужысьяслы нэмъяс кежлӧ.

Левит 9:21

Морӧсвыв яйсӧ да веськыдладор задвыв яйсӧ Аарон вайис Господь водзын пыркӧдан вись пыдди, кыдзи тшӧктіс Мӧисей.

Закар 10:7

Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.

Закар 9:15

Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

Закар 9:17

Кутшӧм бур да мича йӧзӧн найӧ лоӧны! Муыс сетас нянь да вина, и ныв-зон пондасны дзоридзавны.

Лыд 18:18

Налӧн яйыс кольӧ тэныд, кыдзи кольӧ тэныд пыркӧдан вись пыдди вайӧм морӧсвыв яй да веськыдладор задвыв яй.

Лыд 5:25

Поп мед босьтас ань киысь вежӧгтӧмысь вайӧм нянь висьсӧ да Господь водзын пыркӧдӧмӧн нуас сійӧс висьпуктанінӧ.

Лыд 6:21

Тайӧ индӧдыс назорей йылысь, назореялӧмысь Господьлы ваян висьяс йылысь да нӧшта висьяс йылысь, мыйта назорей вермас вайны. Сылы колӧ ставсӧ вӧчны аслас кыв сетӧмыс серти да назореялӧм йылысь индӧдыс серти».

Матвей 26:29

Висьтала тіянлы: ӧнісянь ог понды юны тайӧ виноград юансӧ сійӧ лунӧдз, кор понда юны тіянкӧд выльӧс Менам Батьлӧн Юраланінын».

Марк 14:25

Веськыда висьтала тіянлы: ӧнісянь ог понды юны виноград юансӧ сійӧ лунӧдз, кор понда юны выльӧс Енлӧн Юраланінын».

Иоан 19:30

Винасӧ видлӧм бӧрын Исус шуис: «Ставсӧ вӧчӧма!» Сэсся нёровтіс юрсӧ да лэдзис ловсӧ.