Лыд 4:14 - Коми Библия 2023

¹⁴ Сэсся сы вылӧ мед пукталасны висьпуктанінса став дозмук-кӧлуйсӧ: ӧгыр пӧртъяс, яй бергӧдлан вилаяс, пӧим куралан зыръяс да вир резан тасьтіяс. Ставсӧ тайӧс мед вевттясны лӧз рӧма кучик вевттьӧдӧн. Сэсся висьпуктанін кольчаясас мед сюясны потшъяссӧ. [Мед босьтасны пемыдгӧрд дӧра да вевттясны сыӧн мыссян доз да сылысь коксӧ, нӧшта мед вевттясны ставсӧ лӧз рӧма кучик вевттьӧдӧн да пуктасны новлӧдлан потшыс вылӧ.]

Лыд 4:14 Iomraidhean Croise

2 Каднебӧг 4:19

Таысь кындзи Енлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы пызанъяс,

Петӧм 27:1

«Вӧч акация пуысь висьпуктанін. Сійӧ мед вӧлі нёль пельӧса, кузьтанас и пасьтанас – вит гырддза, судтанас – куим гырддза.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.

Лыд 4:13

Висьпуктанінсӧ пӧимысь весалӧм бӧрын мед вевттясны пемыдгӧрд дӧраӧн.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 4:6

Йитӧд кудсӧ нӧшта мед вевттясны лӧз рӧма кучик вевттьӧдӧн, а сэсся тупкасны гӧрдовлӧз вурун вевттьӧдӧн. Куд кольчаясас мед сюясны потшъяссӧ.