Лыд 35:6 - Коми Библия 2023

⁶ Левитъяслы сетан каръяс пӧвстысь квайт карыс мед лоасны каръясӧн, кытчӧ лэдзанныд морт виысьяслы пышйыны. Тайӧ каръясысь ӧтдор сетӧй левитъяслы нӧшта нелямын кык кар.

Лыд 35:6 Iomraidhean Croise

Псалтыр 9:9

Сійӧ кутас веськыда мыждыны муюгыдсӧ, Сійӧ веськыда мыждас войтыръясӧс.

Петӧм 21:13

Но сійӧ кӧ эз кӧсйы вины мортсӧ, а Енмыс лэдзис тадзи лоны, сэки мед пышъяс, кытчӧ Ме инда.

Исай 4:6

Тайӧ вевттьӧдыс кутас видзны шонді пӧжӧмысь, сайӧдны зэрысь да ыджыд тӧвнырысь.

Лыд 35:5

Карсянь асыввылын мурталӧй кык сюрс гырддза, лунвылын – кык сюрс гырддза, рытыввылын – кык сюрс гырддза, войвылын – кык сюрс гырддза, а шӧрас мед лоӧ карыс. Тайӧ карбердса видзьясыс левитъяслы.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Нав Исус 21:13

Аарон поплӧн рӧдлы сетісны Хеврон кар, кытчӧ вермас пышйыны морт виысь, да сыгӧгӧрса видзьяс. Налы сетісны тшӧтш Ливна кар да сыгӧгӧрса видзьяс,

Нав Исус 21:21

Налы сетісны Ефрем керӧсвыв муысь Сикем кар, кытчӧ вермас пышйыны морт виысь, да сыгӧгӧрса видзьяс. Налы сетісны тшӧтш Гезер кар да сыгӧгӧрса видзьяс,

Нав Исус 21:27

Левий чужанкотырысь Гирсонсянь петысь рӧдъяслы вичмис Манассей джын чужанкотырлӧн муысь кык кар: Васан муысь Голан кар, кытчӧ вермас пышйыны морт виысь, да Беештера кар да нагӧгӧрса видзьяс.

Нав Исус 21:3

Господьлӧн тшӧктӧм серти Израиль пиян торйӧдісны левитъяслы асланыс муысь каръяс да нагӧгӧрса видзьяс.

Нав Исус 21:32

Неффалим чужанкотырлӧн муысь налы вичмис куим кар: Галилеяысь Кедеш кар, кытчӧ вермас пышйыны морт виысь, да сыгӧгӧрса видзьяс, тшӧтш Хаммот-Дор да Картан каръяс да нагӧгӧрса видзьяс.

Нав Исус 21:36

[Йӧрдан ю сайысь, Ерикон кар весьтысь,] Рувим чужанкотырлӧн муысь налы вичмис Бецер кар да сыгӧгӧрса видзьяс. [Бецер кар, кытчӧ вермис пышйыны морт виысь, сулаліс Мисор овтӧминын.] Нӧшта вичмисны Яхац кар да сыгӧгӧрса видзьяс,

Нав Исус 21:38

Гад чужанкотырлӧн Галаад муысь налы вичмис Рамот кар, кытчӧ вермас пышйыны морт виысь, да сыгӧгӧрса видзьяс. Налы вичмисны тшӧтш да Маханаим кар да сыгӧгӧрса видзьяс,